دیوالی کی چُھٹی کو لے کر پیر کو سی آر پی ایف جوانوں کے درمیان تنازعہ شروع ہو گیا۔ اسی دوران ایک جوان نے اندھا دھند گولی چلائی جس میں چار جوان ہلاک ہوگئے۔
یہ واقعہ تلنگانہ چھتیس گڑھ سرحد کا ہے۔ مرنے والے تمام سی آر پی ایف 50 بٹالین کے جوان تھے۔
معلومات کے مطابق پیر کی صبح چھتیس گڑھ کے سُکما ضلع کے لنگمپلی بیس کیمپ میں دیوالی کی چھٹیوں کو لے کر جوانوں کے درمیان جھگڑا شروع ہو گیا۔ اس دوران اچانک ایک جوان نے فائرنگ شروع کر دی۔
یہ بھی پڑھیں: Ahmednagar Fire: احمد نگر کے اسپتال میں آگ لگنے سے 11 افراد ہلاک
اس واقعے میں بہار کے راجمنی یادو، دھنجی اور بنگال کے راجیو منڈل کی موقع پر ہی موت ہو گئی۔ اسی دوران دیگر چار افراد شدید زخمی ہو گئے۔ جنہیں بھدراچلم ایریا ہسپتال میں داخل کرایا گیا، جن میں سے ایک جوان دھرمیندر کمار کی علاج کے دوران موت ہوگئی۔ ڈاکٹروں کا کہنا ہے کہ دیگر فوجیوں کی حالت بھی تشویشناک ہے۔
