یوپی اسمبلی انتخابات کے چوتھے مرحلے کی پولنگ کے لیے انتخابی مہم 21 فروری کی شام کو ختم ہو گئی تھی، لیکن آنے والے مراحل کے لیے تمام پارٹیاں پوری قوت سے کام کرتی نظر آ رہی ہیں۔ اس سلسلے میں منگل کو وزیر دفاع راج ناتھ سنگھ نے بلیا کے سکندر پور اسمبلی حلقہ کے ونشی بازار میں واقع گیان کنج اکیڈمی میں ایک انتخابی جلسے سے خطاب کیا۔ Akhilesh Zindabad Slogans Raised in Rajnath's Rally
وزیر دفاع راج ناتھ سنگھ کے خطاب کے دوران ایک نوجوان نے فوج میں بھرتی کا مطالبہ کرتے ہوئے اکھلیش یادو زندہ باد کا نعرہ لگایا۔ موقع پر تعینات سیکورٹی اہلکاروں نے اسے فورا گرفتار کرنے کی کوشش کی تو وزیر دفاع راج ناتھ سنگھ نے اسٹیج سے کہا کہ اس نوجوان کے خلاف کوئی کارروائی نہ کریں۔
مزید پڑھیں:۔ پنجاب: وزیر دفاع راج ناتھ سنگھ اسٹیج پر گِر پڑے
قابل ذکر ہے کہ وزیر دفاع راجناتھ سنگھ سکندر پور اسمبلی سے بی جے پی امیدوار سنجے یادو کی حمایت میں انتخابی ریلی سے خطاب کرنے ونشی بازار گیان کنج اکیڈمی اسکول پہنچے تھے۔
