مقتول فوٹو جرنلسٹ دانش صدیقی کے والدین اپنے بیٹے کے قتل کی تحقیقات اور طالبان کے اعلیٰ سطح کے کمانڈروں اور رہنماؤں سمیت تمام ذمہ داروں کو کیفر کردار تک پہنچانے کے لیے قانونی کارروائی شروع کریں گے۔Photojournalist Danish Siddiqui Death
صدیقی کے اہل خانہ نے ایک بیان میں کہا کہ منگل کو دانش صدیقی کے والدین اختر صدیقی اور شاہدہ اختر اپنے بیٹے کے قتل کی تحقیقات اور ذمہ داروں کو انصاف کے کٹہرے میں لانے کے لیے قانونی کارروائی شروع کریں گے، جن میں طالبان کے اعلیٰ سطح کے کمانڈرز اور رہنما بھی شامل ہیں۔
اگرچہ بیان میں یہ نہیں بتایا گیا کہ کس قسم کی قانونی کارروائی کی جائے گی، لیکن یہ سمجھا جاتا ہے کہ صدیقی کا خاندان طالبان کے خلاف بین الاقوامی فوجداری عدالت سے رجوع کرے گا۔
یہ بھی پڑھیں:
Danish Siddiqui: افغانستان میں جھڑپ کے دوران بھارتی فوٹوگرافر ہلاک
Danish Siddiqui Biography: کون تھے دانش صدیقی ؟
38 سالہ صدیقی افغانستان میں اپنے فرائض انجام دے رہے تھے کہ اس دوران گزشتہ سال جولائی میں ان کو ہلاک کردیا گیا۔
پلٹزر انعام یافتہ صحافی قندھار شہر کے اسپن بولدک ضلع میں افغان فوجیوں اور طالبان کے درمیان جھڑپوں کی کوریج کر رہے تھے۔
