جے پور ۔ کبھی یہاں پر مشال جلوس نکالا جا رہا ہے، تو کبھی یہاں پر راجستھان حکومت کے خلاف نعرےبازی کی جا رہی ہے۔ کبھی کالی دیوالی منائی جارہی ہے تو کبھی بھوک ہڑتال کیا جا رہا ہے۔ آج جمعہ کے روز مدرسہ پیرا ٹیچر، راجیو گاندھی پیرا ٹیچر اور شکشاکرمیوں کی جانب سے مستقل کرنے کے مطالبہ کو لے کر دوپہر کو چار بجے سے شام کو چھ بجے تک خاموش کھڑے رہہہ کر راجستھان حکومت کے خلاف احتجاجی مظاہرہ کیا گیا۔
لوگوں نے کھڑے رہہ کر مطالبہ کیا گیا کہ ہم لوگوں کو جلد سے جلد مستقل کیا جائے۔ اگر ہم لوگوں کو مستقل نہیں کیا گیا تو ہم لوگ یہاں شہید اسمارک سے واپس اپنے گھروں کی جانب جانے والے نہیں ہیں۔
یہ بھی پڑھیں:
دارالحکومت جے پور میں پیرا ٹیچرز کا مہا پڑاؤ
مظاہرین کا کہنا ہے کہ جو بھی بڑے تہوار ہندو اور مسلم مذہب میں منائے جاتے ہیں، ان تمام تہواروں کو ہم لوگوں نے یہیں شہید اسمارک پر منایا ہے۔ حکومت نے ہم لوگوں کی طرف توجہ نہیں دی اس لیے اب جب تک ہمارے مطالبات کو نہیں منوانے تک یہاں سے جانے والے نہیں ہیں۔
مظاہرین کا کہنا ہے کہ ہم لوگوں کا جو مطلبہ ہے وہ جائز ہے۔ اس مطالبہ کی جانب وزیر اعلی اشوک گہلوت کو توجہ دینی چاہیے۔
