Shab-e-Miraj-Un-Nabi: شبِ معراج النبی ﷺمبارک ہو

معراج النبیﷺ Shab-e-Miraj-Un-Nabi کے مبارک موقع پر معروف سماجی کارکن و قومی ایوارڈ یافتہ محمود علی خان نے تمام اہل اسلام کو دل کی گہرائیوں سے مبارک باد پیش کیا ہے،اپنے پیغام میں انہوں نے کہا کہ' نبی آخرالزماں محمد مصطفیﷺ کے تمام معجزات میں سے معجزہ معراج النبیﷺ ایک بڑی اہمیت کا حامل ہے۔ یہ وہ مبارک سفر جس سے ہم تمام امت محمدیہﷺ کو نماز جیسی عظیم عبادت ملی۔

ریاست آندھرا پردیش کے ضلع اننت پور سے تعلق رکھنے والے معروف سماجی کارکن و قومی ایوارڈ یافتہ محمود علی خان نے شب معراج النبیﷺ Shab-e-Miraj-Un-Nabi کی مناسبت سے تمام برادران وطن کو دل کی گہرائیوں سے مبارک باد پیش کیا ہے۔

انہوں نے اپنے پیغام میں تمام اہل اسلام کو مبارک باد پیش کرنے کے ساتھ ساتھ معراج النبی ﷺ کی حقیقت اور اس کی اہمیت پر روشنی ڈالی۔ انہوں نے کہا کہ معراج النبیﷺ کے تمام معجزات میں سے معجزہ معراج النبیﷺ ایک بڑی اہمیت کا حامل ہے۔ یہ وہ مبارک سفر جس سے ہم تمام امت محمدیہﷺ کو نماز جیسی عظیم عبادت ملی، آقائے دوجہاں کو اس عظیم معراج کے ذریعہ جو بلندی اور عظمت بارگاہ الہی میں نصیب ہوئی وہ آپ کی عظیم ذات کے ساتھ خاص ہے۔

انہوں نے کہا کہ 'شب معراج ایک مقدس رات ہے، شب معراج سے ہمارے عقیدے کا گہرا تعلق ہے، شب معراج کا انکار کرنے والا ہرگز پیارے نبیﷺ کا امتی نہیں ہوسکتا۔ شب معراج کے بغیر دین کا وجود ممکن نہیں، کیونکہ سرور کائنات کی معرفت شب معراج میں اللہ رب ذوالجلال کے وجود کی گواہی ہے۔