وزیر داخلہ امیت شاہ کے وشوا بھارتی یونیورسٹی کے دورے کے بعد یونیورسٹی انتظامیہ کے خلاف آواز بلند ہونے لگی۔حکمراں جماعت ترنمول کانگریس کے بعد اب لفٹ فرنٹ کی طالبہ تنظیم ایس ایف آئی نے وشوا بھارتی یونیورسٹی کے وائس چانسلر کے خلاف محاذ کھول دیا۔
لفٹ فرنٹ کی طالبہ تنظیم ایس ایف آئی کے حامیوں نے وشوا بھارتی یونیورسٹی کے وائس چانسلر سے استعفیٰ دینے مطالبہ کیا۔ایس ایف آئی کے ریاستی صدر سوجن چکرورتی نے کہا کہ وشوا بھارتی یونیورسٹی کے وائس چانسلر بدوت چکرورتی نے کہا کہ احتجاج ضروری ہے۔
ان کی وجہ سے یونیورسٹی کی شناخت متاثر ہویی ہے۔یونیورسٹی کو زبردستی سیاست کی آگ میں جھونکنے کی سازش کی جا رہی ہے۔ وائس چانسلر ہی موجودہ حالات کے ذمہ دار ہیں۔ انہیں جلد سے جلد اپنے عہدے سے مستعفی ہو جانا چاہئے۔
ایس ایف آئی کے ریاستی صدر کا کہنا ہے کہ وشوا بھارتی یونیورسٹی کے وائس چانسلر بدوت چکرورتی اگر جلد از جلد استعفیٰ نہیں دیتے ہیں تو ہم غیر معینہ مدت کے لئے دھرنے پر بیٹھ جائیں گے۔
واضح رہے کہ 20 دسمبر کو وزیر داخلہ امیت شاہ وشوا بھارتی یونیورسٹی کے دورے پر گئے تھے۔وزیر داخلہ نے رابندر بھون میں رابندرناتھ ٹیگور کو خراج عقیدت پیش کیا تھا۔اس کے بعد سے مغربی بنگال میں واس چانسلر کے خلاف محاذ کھولا گیا ہے۔
