اتراکھنڈ کے چمپاوت ضلع میں ایک بھیانک سڑک حادثہ پیش آیا ہے۔ جہاں گزشتہ شب ایک میکس گاڑی کھائی میں گر گئی۔ حادثے میں 10 سے زائد افراد ہلاک ہو گئے ہیں۔ بتایا جا رہا ہے کہ یہ حادثہ سکھیڈھنگ-ڈندامینار روڈ پر پیش آیا۔ Several People Died in Road Accident In Champawat
اطلاع کے مطابق میکس گاڑی نمبر یو کے 04 ٹی اے 4712 میں سوار تمام لوگ ٹنک پور کے پنچ مکھی دھرم شالا میں ککنائی کے رہنے والے لکشمن سنگھ کے بیٹے منوج سنگھ کی شادی میں شرکت کے بعد گھر واپس آ رہے تھے۔ تقریباً 3.20 بجے میکس گاڑی بے قابو ہوکر گہری کھائی میں جاگری۔
مزید پڑھیں:۔ Four Injured Including Bride And Groom: سڑک حادثہ میں دلہا اوردلہن سمیت چارزخمی
مرنے والوں میں زیادہ تر لکشمن سنگھ کے رشتہ دار بتائے جاتے ہیں۔ اطلاع کے بعد پولیس اور ریسکیو ٹیم موقع پر پہنچ گئی ہیں اور زخمیوں کو ضلع اسپتال چمپاوت میں داخل کرایا گیا۔
