کرناٹک: بھارتیہ جنتا پارٹی (بی جے پی) کے سینئر لیڈر کے ایس ایشورپا نے پارٹی کے قومی صدر جے پی نڈا کو خط لکھ کر کرناٹک میں آئندہ اسمبلی انتخابات لڑنے سے انکار کر دیا ہے۔ ایشورپا نے خط میں لکھا کہ 'میں نے کرناٹک اسمبلی انتخابات نہ لڑنے کا فیصلہ کیا ہے۔ میں انتخابی سیاست سے خود کو دور کر رہا ہوں۔ پچھلے چالیس سالوں میں پارٹی نے مجھے بہت سی ذمہ داریاں دی ہیں۔ بوتھ صدر سے ریاستی پارٹی صدر تک رہے۔ مجھے نائب وزیر اعلیٰ بننے کا اعزاز بھی حاصل ہوا۔'
کرناٹک اسمبلی انتخابات 2023 کے لیے بھارتیہ جنتا پارٹی کے امیدواروں کی پہلی فہرست آج جاری ہو سکتی ہے۔ دہلی میں میٹنگ کے دور کے بعد 170 سے 180 ناموں پر اتفاق کیا گیا ہے۔ بی جے پی ذرائع کے مطابق اتوار کو مرکزی الیکشن کمیٹی کی میٹنگ میں 140 ناموں کو منظوری دی گئی ہے۔ بی جے پی نے اتوار کو جو 140 ناموں کا فیصلہ کیا تھا، ان میں کئی موجودہ ایم ایل ایز کے ٹکٹ کاٹے گئے ہیں۔ سال 2019 میں کانگریس کے تمام ایم ایل ایز کو ٹکٹ دیا جائے گا۔ وزیر اعلی بسواراج بومئی شیگاؤں سے الیکشن لڑیں گے۔ سابق وزیر اعلیٰ بی ایس یدی یورپا کے بیٹے بی وائے وجیندر والد کی سیٹ شکاری پورہ سے الیکشن لڑ رہے ہیں۔
قبل ازیں بی جے پی کی سنٹرل الیکشن کمیٹی (سی ای سی) نے کرناٹک میں 10 مئی کو ہونے والے اسمبلی انتخابات کے لیے پارٹی کے امیدواروں کے ناموں کو حتمی شکل دینے کے لیے اتوار کو تین گھنٹے سے زیادہ میٹنگ کی۔ پارٹی کے سینئر قائدین بشمول وزیر اعلی بسواراج بومئی مرکزی وزراء راجناتھ سنگھ، امت شاہ، بی جے پی صدر جے پی نڈا اور دیگر سی ای سی ارکان نے ممکنہ امیدواروں کے ناموں پر تبادلہ خیال کے لئے میٹنگ میں شرکت کی۔
