نئی دہلی: سپریم کورٹ نے بلقیس بانو معاملے کے قصورواروں کی قبل از وقت رہائی کے خلاف پی آئی ایل کی سماعت نہ کرنے کا قصورواروں کا مطالبہ مسترد کر دیا۔ عدالت نے کہا کہ بلقیس کی درخواست کو مرکزی درخواست کے طور پر دیکھتے ہوئے وہ پانچوں درخواستوں کی سماعت کرے گی۔ یہ سماعت میرٹ پر ہوگی۔ دراصل، مجرموں کے وکلاء نے کہا تھا کہ سبھاشنی علی اور مہوا موئترا سمیت پانچوں درخواستیں قابل سماعت نہیں ہیں۔ یہ فریق ثالث کی درخواستیں ہیں اور اس کیس میں ان کا کوئی موقف نہیں ہے۔ لیکن جسٹس اجے رستوگی نے کہا کہ متاثرہ بلقیس خود بھی یہاں آئی ہیں۔ ہم بلقیس کی پٹیشن کو سرفہرست بنائیں گے اور دیگر درخواستوں کو ان کی عرضی کے ساتھ منسلک کر کے سماعت کریں گے۔
سپریم کورٹ 2002 کے گجرات فسادات کیس میں بلقیس بانو کے 11 قصورواروں کی معافی کو چیلنج کرنے والی پی آئی ایل کی سماعت فروری کے وسط میں کرے گا۔ جسٹس اجے رستوگی نے کہا کہ قانونی مسائل اور نکات پر بحث کے لیے درخواست گزار کے وکیل کو حتمی سماعت کے لیے تیار رہنا چاہیے۔ درخواست گزار کی وکیل ورندا گروور نے کہا کہ قانون اور انصاف ہمارے ساتھ ہے، لیکن بری ہونے والے قصورواروں کے وکیل نے کہا کہ مرکزی درخواست گزار کے پاس کوئی قانونی مقام نہیں ہے۔ SC To Hear Bilkis Bano Plea
وہیں سپریم کورٹ کی جسٹس بیلہ ایم ترویدی نے بدھ کو بلقیس بانو کیس میں قصورواروں کی رہائی کو چیلنج کرنے والی درخواستوں کی سماعت سے خود کو الگ کر لیا۔ قابل ذکر ہے کہ اس سے قبل 13 دسمبر 2022 کو جسٹس بیلہ ایم ترویدی نے بلقیس بانو کی پہلی درخواست پر بھی سماعت کرنے سے خود کو الگ کر لیا تھا۔ جسٹس رستوگی نے کہا کہ "چونکہ میری ساتھی جج نے پہلے ہی متاثرہ کی درخواست کی سماعت سے خود کو الگ کر لیا تھا، اس لیے وہ اس معاملے کی سماعت سے بھی خود کو الگ کرنا چاہیں گی۔" جسٹس رستوگی نے کہا کہ اب جب کہ متاثرہ نے قصورواروں کو دی گئی معافی کو چیلنج کرتے ہوئے اس عدالت سے رجوع کیا ہے تو ان کی عرضی کو ایک اہم کیس کے طور پر لیا جائے گا۔ انہوں نے کہا کہ اس معاملے میں باقی درخواستوں کو ان کی پٹیشن کے ساتھ منسلک کر دیا جائے گا۔ بنچ نے کہا، "ہم اگلی تاریخ کو تمام معاملات کی فہرست بنائیں گے اور اسے تمام درخواستوں کے ساتھ منسلک کریں گے۔
مزید پڑھیں:
Bilkis Bano Case قصورواروں کی رہائی کے خلاف بلقیس بانو کی نظر ثانی کی عرضی خارج
بلقیس بانو نے سپریم کورٹ میں ایک اور درخواست دائر کی ہے جس میں انہوں نے گجرات حکومت سے کہا ہے کہ وہ 11 مجرموں کی سزا معافی کی درخواست پر دوبارہ غور کرے۔ گجرات حکومت نے اس کیس کے تمام 11 قصورواروں کو معاف کر دیا تھا اور انہیں گزشتہ سال 15 اگست کو رہا کر دیا تھا۔ واضح رہے کہ 2002 کے گجرات فسادات کے دوران بانو کے ساتھ اجتماعی عصمت دری کی گئی تھی اور ان کے خاندان کے سات افراد کو قتل کر دیا گیا تھا۔ اس واردات کے وقت بانو کی عمر 21 سال اور پانچ ماہ کی حاملہ تھیں۔ جسٹس اجے رستوگی اور بیلا ایم ترویدی کی بنچ نے اس معاملے میں دائر دیگر درخواستوں کی سماعت کی، جن میں سی پی آئی (ایم) لیڈر سبھاشنی علی، صحافی ریوتی لال، لکھنؤ یونیورسٹی کی سابق وائس چانسلر روپ ریکھا ورما اور ترنمول کانگریس کے رکن پارلیمنٹ مہوا مؤترا کی درخواست سمیت اس معاملے داخل دیگر درخواستوں کو شنوائی کے لیے منظور کر لیا ہے۔
