نئی دہلی: لکشمن چندر وکٹوریہ گوری نے مدراس ہائی کورٹ کے ایڈیشنل جج کے طور پر حلف لیا جس کے خلاف 21 وکلاء نے سپریم کورٹ میں درخواست دائر کی، اس درخواست کو سپریم کورٹ نے خارج کردیا ہے۔ سپریم کورٹ نے پیر کو کہا تھا کہ وہ لکشمن چندر وکٹوریہ گوری کو مدراس ہائی کورٹ کے ایڈیشنل جج کے طور پر تقرری کی سفارش کرنے کے کالجیم کے فیصلے کے خلاف دائر درخواست کی سماعت کرے گی۔ چیف جسٹس ڈی وائی چندرچوڑ کی سربراہی والی بنچ نے سینئر ایڈوکیٹ راجو رام چندرن کی عرضی کی سماعت سے اتفاق کرتے ہوئے معاملے کو جمعہ کو درج کرنے کی ہدایت دی۔
خصوصی ذکر کے دوران رام چندرن نے عرضی کی جلد سماعت کی استدعا کی تھی۔ رام چندرن نے بنچ کو بتایا تھا کہ ایڈیشنل جج کی تقرری کے سلسلے میں مدراس کے سینئر وکلاء کے ایک گروپ کی طرف سے ایک درخواست دائر کی گئی ہے۔ وہ درخواست پر فوری سماعت اور عبوری راحت کی استدعا کررہے ہیں۔ مرکزی وزیر قانون اور انصاف کرن رجیجو نے پیر کے روز 13 ایڈیشنل ججوں کی تقرری کے بارے میں معلومات ٹویٹ کی، جن میں لکشمن چندر وکٹوریہ گوری کا نام بھی شامل ہے۔ مدراس ہائی کورٹ کے وکلاء کے ایک گروپ نے گوری کی مجوزہ تقرری کی مخالفت کی ہے۔ ان کا الزام ہے کہ وہ بھارتیہ جنتا پارٹی سے وابستہ تھیں۔
یہ بھی پڑھیں : Supreme Court ہائی کورٹ کے ایڈیشنل جج کی تقرری کی سفارش تنازع پرسپریم کورٹ جمعہ کو سماعت کرے گی
