چیف جسٹس آف انڈیا شرد اروند بوبڈے، جج اے ایس بوپنا اور جج وی راما سبرامنیم کی بینچ نے مرکزی حکومت اور ہریانہ حکومت کو نوٹس بھی جاری کیا۔
بینچ نے میڈیکل بورڈ کو 14 سالہ نابالغ حاملہ کی جانچ کرکے ایک ہفتہ کے اندر رپورٹ پیش کرنے کا حکم دیا۔
میڈیکل بورڈ کو یہ جانچ کرنا ہے کہ جنسی زیادتی کی شکار لڑکی کے حمل کو ختم کرنا محفوظ ہوگا یا نہیں۔ بورڈ میں تین ڈاکٹرز کو شامل کرنے کی ہدایت دی گئی ہے تاکہ حمل کو ختم کرنے کی گنجائش کی جانچ کی جاسکے۔
متاثرہ لڑکی کی جانب سے وکیل وی کے بیجو نے بینچ سے میڈیکل بورڈ کو یہ ہدایت دینے کی درخواست کی۔
