سپریم کورٹ نے مدھیہ پردیش میں ہونے والے شہری بلدیاتی انتخابات اور پنچایتی انتخابات کے سلسلے میں شیوراج حکومت کو راحت دیتے ہوئے بدھ کو مدھیہ پردیش میں او بی سی ریزرویشن کے ساتھ انتخابات کرانے کی ہدایت جاری کی۔ سپریم کورٹ کے اس فیصلے سے بھارتیہ جنتا پارٹی اور ریاست کی شیوراج حکومت کو بڑی جیت ملی ہے۔ او بی سی ریزرویشن کے لیے وزیر اعلیٰ شیوراج سنگھ چوہان کی کوششیں بالآخر کامیاب ہو گئیں۔ SC Allows OBC Quota In MP Local Body Elections
عدالت نے حکم دیا ہے کہ مدھیہ پردیش میں انتخابات او بی سی ریزرویشن کے ساتھ کرائے جائیں گے۔ سپریم کورٹ نے او بی سی کو 50 فیصد تک ریزرویشن دینے کا حکم دیا ہے۔ ایک ہفتے میں ریزرویشن نوٹیفائی کیا جائے۔ آئندہ ایک ہفتے میں انتخابات کے انعقاد کا نوٹیفکیشن جاری کیا جائے۔ SC On MP Local Body Elections
یہ بھی پڑھیں: Local Polls Without OBC Quota: سپریم کورٹ کا حکم شیوراج حکومت کی بڑی کامیابی، بھوپیندر سنگھ کا دعویٰ
ایڈوکیٹ ورون ٹھاکر نے بتایا کہ سپریم کورٹ نے فیصلہ سناتے ہوئے کہا کہ کسی بھی صورت میں ریزرویشن 50 فیصد سے زیادہ نہیں ہوگا (بشمول دیگر پسماندہ طبقات، درج فہرست ذات اور قبائل)۔ واضح رہے کہ اس سے قبل پیر کو سماعت میں عدالت نے فیصلہ محفوظ کر لیا تھا۔ پیر کو ہوئی سماعت کے دوران عدالت عظمیٰ میں داخل کی گئی ترمیمی درخواست میں حکومت مدھیہ پردیش سےتمام حقائق کو سننے کے بعد کچھ اور معلومات مانگی گئی تھیں، جسے آج پیش کیا گیا۔ پسماندہ طبقات کو اربن باڈی اور پنچایتی انتخابات میں ریزرویشن دینے کے لیے سپریم کورٹ کے حکم پر ٹرپل ٹیسٹ کرایا گیا۔ SC On MP Local Body Elections
یو این آئی
