سماجوادی پارٹی نے منڈل دیوس منایا

سماجوادی پارٹی نے آج منڈل دیوس منایا اس سلسلہ میں سہارنپور ڈسٹرکٹ مجسٹریٹ کے دفتر پہنچ کرسماج وادی پارٹی کے کارکنوں نے ضلع مجسٹریٹ کو ایک میمورنڈم صدر جمہوریہ کے نام پر پیش کیا۔

سماج وادی پارٹی کے ضلع صدر چودھری رودر سین نے کہا ہے کہ بی جے پی حکومت کے ذریعہ آئین کے ساتھ کھلواڑ کیاجارہاہے۔

ریزرویشن کو ختم کیا جا رہا ہے پسماندہ دلت قبائلی، اقلیتوں اور خواتین کے خلاف امتیازی سلوک اور ناانصافی ہورہی ہے۔

پسماندہ طبقات اقلیتوں کے حقوق کو ختم کرنے کی کوششیں کی جارہی ہیں۔

انہوں نے بتایا کہ اترپردیش کے اس وقت کے وزیر اعلیٰ ملائم سنگھ یادو نے منڈل کمیشن کی نوکریوں اور تعلیمی اداروں میں 27 فیصد ریزرویشن نافذ کیا تھا ۔

یہاں تک کہ 27 فیصد ریزرویشن میں بھی موجودہ حکومت پسماندہ طبقات کے ساتھ زیادتی کررہی ہے۔

میمورنڈم میں صدر جمہوریہ سے منڈل کمیشن کی تمام سفارشات پر عمل کرانے اور پسماندہ افراد کے حقوق اور وقار کے تحفظ کے لیے ضروری ہدایات جاری کرنے کی مانگ کی گئی۔