پٹنہ: وزیر اعلیٰ نتیش کمار نے آج سمادھان یاترا کے دوران ضلع سیوان میں مختلف محکموں کے تحت جاری ترقیاتی اسکیموں کا جائزہ لیا۔ دورے کے دوران وزیر اعلیٰ نے پنچ رخی بلاک کے سوپولی گاؤں پہنچ کر وہاں کے لوگوں کے مسائل سنے اور ان کے حل کے لیے افسران کو ضروری ہدایات دیں۔ وزیر اعلیٰ نے بھینس پالنے، میک اپ شاپ، جیویکا کے تعاون سے چلنے والے جنرل اسٹور کا دورہ کیا اور ان سے بات کی۔ Samadhan Yatra In Bihar
وزیر اعلیٰ نے مہادلت ٹولہ میں بہار حکومت کی طرف سے چلائی جانے والی مختلف اسکیموں کے مستفیدین کی فہرست دیکھی اور ضلع مجسٹریٹ سے اس کے بارے میں مکمل جانکاری لی۔ وزیر اعلیٰ نے کہا کہ ریاستی حکومت کی طرف سے چلائی جا رہی اسکیموں کا فائدہ تمام لوگوں کو ملنا چاہیے۔ اس بات کا خاص خیال رکھیں کہ کوئی اس سے محروم نہ رہے۔ وزیر اعلیٰ نے وہاں جیویکا دیدیوں سے ملاقات کی اور سیلف ہیلپ گروپ کے ذریعہ تیار کردہ مختلف مصنوعات کا معائنہ کیا۔
اس کے بعد وزیر اعلیٰ مہاراج گنج بلاک کے ہجپوروا پنچایت کے سونورشا گاؤں پہنچے اور وہاں بہار ریاستی مدرسہ کو مضبوط بنانے کی اسکیم کے تحت تعلیم نو بالغاں کا بھی جائزہ لیا۔ اس دوران انہوں نے سون ورشا کے مدرسہ اسلامیہ عربیہ نعیمیہ کا بھی دورہ کیا۔ اس سلسلے میں وزیر اعلیٰ نے وہاں موجود طلباءاور اساتذہ سے تعلیمی نظام اور دیگر سہولیات کے بارے میں معلومات لیں۔ تعلیم نو بالغاں کے تحت چلائے جارہے ماڈیول کے موضوع کے متعلق وہاں کے طلباءنے نمائش کے ذریعے وزیر اعلیٰ کو جانکاری دی۔
مہاراج گنج بلاک کے ہج پوروا پنچایت کے سونو رشا کے وارڈ نمبر 4 پہنچنے کے بعد، وزیر اعلی نے وہاں موجود گاو ¿ں والوں سے ملاقات کی، ان کے مسائل سنے اور ان کے حل کے لیے ڈی ایم کو ہدایات دیں۔ وزیر اعلیٰ نے مکھیہ منتری پے جل عزائم منصوبہ کے تحت پینے کا صاف پانی فراہم کرنے کے لیے لگائے گئے پلانٹ کا افتتاح کیا۔ وزیراعلی نے مسلسل روزگار اسکیم سے تعاون یافتہ دکانوں کا بھی دورہ کیا اور جیویکا دیدی سے ملاقات کی۔ انہوں نے بہار مہادلت وکاس مشن سے جڑے لوگوں سے بھی ملاقات کی اور ان سے سماجی اصلاح کی مہم جاری رکھنے اور بچوں کی شادی اور جہیز کے نظام کے خلاف مہم جاری رکھنے اور لوگوں کو بیدار کرنے کو کہا۔
اس کے بعد صحافیوں سے بات کرتے ہوئے وزیر اعلیٰ نے کہا کہ سمادھان یاترا کے دوران ہم مختلف مقامات پریہ دیکھنے جا رہے ہیں کہ حکومت کی طرف سے چلائی جا رہی اسکیموں کی کیا پیش رفت ہو رہی ہے۔ حکومت کو اور کیا کرنے کی ضرورت ہے، یہ بھی دیکھنا ہوگا۔ پہلے مدرسے کے اساتذہ کو تنخواہ نہیں ملتی تھی۔ ہماری حکومت نے مدرسے کی حالت بہتر بنانے اور اسے آگے لے جانے کے لیے بہت کام کیا ہے۔ ہم نے بھی مدرسہ جا کر دیکھا ہے یہاں پڑھائی بہتر ہو رہی ہے۔ اب مدارس میں سائنس بھی پڑھائی جارہی ہے۔ ہم لوگ مدرسہ کو بڑھانا چاہتے ہیں، ہم لوگ یہ کام بھی کرادیں گے۔ ہم نے مدرسہ میں تعلیم اور ہاسٹل کی سہولیات کے حوالے سے ضروری ہدایات دی ہیں۔ ڈگری کالج کے لیے بھی ہم نے کہا ہے کہ اسے بھی کیا جائے گا۔
اس دوران وزیر خزانہ، کمرشیل ٹیکس اور پارلیمانی امور کے وزیر وجے کمار چودھری، آبی وسائل کے وزیر سنجے کمار جھا، سیوان ضلع کے انچارج ریونیو اور اصلاحات اراضی کے وزیر آلوک کمار مہتا، اقلیتی فلاح کے وزیر محمد زماں خان ،ضلع سیوان کے اراکین اسمبلی۔/ قانون ساز کونسل کے رکن ، وزیر اعلیٰ کے پرنسپل سکریٹری دیپک کمار،ڈی جی پی آر ایس بھٹی، وزیر اعلیٰ کے پرنسپل سکریٹری ڈاکٹر ایس سدھارتھ، پرنسپل سکریٹری محکمہ اقلیتی فلاح مسز سفینہ این۔ سکریٹری دیہی ترقیات محکمہ بالاموروگن ڈی، درج فہرست ذات اور درج فہرست قبائل بہبود محکمہ کے سکریٹری دیویش سہرا، کمشنر سارن ڈویژن مسز پونم، ڈپٹی انسپکٹر جنرل آف پولیس سارن رینج وکاس کمار، ڈی ایم امیت کمار پانڈے۔ ، ایس پی سیوان شیلیش کمار سنہا اور دیگر سینئر افسران موجود تھے۔
یہ بھی پڑھیں: Nitish Kumar Samadhan Yatra نتیش کمار کی سمادھان یاترا ہے ویودھان یاترا، روڈی
یو این آئی
