پربھودیوا کی ہدایتکاری میں بنی سلمان خان کی فلم ’رادھے یور موسٹ وانٹیڈ بھائی‘ کا پہلا نغمہ ریلیز کردیا گیا ہے۔’سیٹی مار ‘ ایک ڈانس نمبر ہے جس میں سلمان اور دیشا پٹانی ڈانس کرتے نظر آرہے ہیں۔ اس گانے کے لئے سلمان خان نے الو ارجن کا شکریہ ادا کیا ہے۔
سلمان خان نے اس گانے کا لنک ٹویٹر پر شیئر کرتے ہوئے لکھا ’’الو ارجن سیٹی مار کے لئے شکریہ آپ نے جس انداز سے گانا پرفارم کیا ہے وہ باکمال ہے۔ آپ کا رقص ، انداز اور سادگی ہر بات لاجواب ہے۔ خیال رکھیں اور محفوظ رہیں۔ آپ کے اہل خانہ کو بہت سارا پیار۔ لو یو بھائی‘‘۔
الو ارجن نے بھی سلمان کے اس ٹویٹ کا جواب دیا ہے۔ انہوں نے سلمان کے اس ٹویٹ پر کمنٹ کرتے ہوئے لکھا ’’شکریہ سلمان گرو۔ آپ سے ستائش ملنا بہت بڑی بات ہے۔ یہ بہت ہی خوبصورت اشارہ ہے۔ رادھے کا جادو اسکرین پر دیکھنے کا انتظار ہے اور دیکھنا چاہتا ہوں کہ مداحوں کا سیٹی مار آپ کے ساتھ کیسا رہتا ہے۔ پیار کے لئے شکریہ‘‘۔
اہم بات یہ ہے کہ ’رادھے:یور موسٹ وانٹیڈ بھائی‘میں سلمان خان کے ساتھ دیشا پٹانی ، رندیپ ہوڈا اور جیکی شروف کے بھی اہم کردار ہیں۔ فلم کو سلمان خان فلمز نے زی اسٹوڈیوز کے اشتراک سے پیش کیا ہے۔ یہ فلم رواں برس عید کے موقع پر 13 مئی کو ریلیز کی جائے گی۔
یو این آئی۔
