پٹنہ: بہار قانون ساز اسمبلی کے سرمائی اجلاس کے دوسرے دن آج وزیر اعلیٰ نتیش کمار کے بھارتیہ جنتا پارٹی (بی جے پی) کے اراکین پر زہریلی شراب کے واقعہ پر جم کربرسےجانے کے بعد زبردست ہنگامہ ہوا۔ بدھ کو اسمبلی کی کارروائی شروع ہونے کے بعد بی جے پی کے اراکین ایوان کے بیچ میں آکر پوسٹر لے کر نعرے لگانے لگے جس میں زہریلی شراب کے واقعہ کے معاملے پر نعرے لکھے ہوئے تھے۔ انہوں نے وزیراعلی نتیش کمار کو بہار میں زہریلی شراب پینے سے بہت سے لوگوں کی موت کا ذمہ دار قرار دیا، جو کہ مکمل پابندی والی ریاست ہے۔ اس پر وزیر اعلیٰ مسٹر کمار برہم ہو گئے اور انہوں نے بی جے پی ممبران اسمبلی کی طرف اشارہ کرتے ہوئے ان سے کہا کہ وہ اپنا منہ بند رکھیں۔Ruckus in Bihar Assembly Over Poisoned Liquor
وزیراعلیٰ نے ایوان میں ہنگامہ آرائی کی وجہ سے اپوزیشن اراکین کو شرابی قرار دیتے ہوئے کہا کہ یہ وہی لوگ ہیں جو شراب بیچنے میں مدد کرتے ہیں۔ انہوں نے کہا کہ بی جے پی کا طرز عمل گھناؤنا ہے اور اسے بہار میں مزید برداشت نہیں کیا جائے گا۔ بی جے پی اس معاملے پر اپنا موقف اور زبان دونوں بدل رہی ہے۔ انہوں نے کہا کہ انہوں نے ان (بی جے پی) کو عزت دی تھی لیکن اب اپنا موقف بدل کر وہ خود کو برباد کر رہے ہیں۔
نتیش کمار نے کہا کہ بی جے پی کے کہنے پر ایوان کے اندر شراب نہ پینے کی قرارداد لائی گئی تھی، لیکن اب کچھ مسائل سامنے آنے پر وہ معاوضے کا مطالبہ کر رہے ہیں۔ اس کے بعد وزیر اعلیٰ ایوان سے باہر چلے گئے۔
یو این آئی
