کابینی سکریٹری راجیو گابا نے آج نیشنل ڈیزاسٹر مینیجمنٹ کمیٹی کی ایک اہم میٹنگ میں گردابی طوفان ’یاس‘ سے نمٹنے کے لیے مرکز، ریاست اور مرکز کے زیرانتظام علاقوں کی حکومتوں کی تیاریوں کا جائزہ لیا۔
محکمہ موسمیات کے ڈائریکٹر جنرل نے اس کمیٹی کو گردابی طوفان کی تازہ ترین صورتحال کے بارے میں معلومات دی۔ جس کے 26 مئی کی شام تک مغربی بنگال اور شمالی اوڈیشہ کے ساحلوں تک پہنچنے کا قوی امکان ہے۔
اس دوران 155 سے لے کر 165 کلو میٹر فی گھنٹے تک کی تیز رفتار سے کافی تیز ہوائیں چلنے کے ساتھ ساتھ ان ریاستوں کے ساحلی اضلاع میں شدید بارش ہونے اور طوفانی لہریں اٹھنے کا بھی اندیشہ ہے۔
