یوم عاشورا کے پیش نظر سرینگر میں بندشیں نافذ

پولیس نے داخلی و خارجی راستوں کو سیل کیا ہے اور کسی بھی شخص کو ان علاقوں میں جانے یا نکلنے کی اجازت نہیں دی جارہی ہے۔

جموں و کشمیر کی دارالحکومت سرینگر میں پولیس نے عاشورہ کے پیش نظر سخت بندشیں نافذ کی ہیں اور شعیہ آبادی والے علاقوں کو سیل کیا ہے۔

سرینگر کے آبی گزر، حبہ کدل، زڈی بل، ڈلگیٹ اور دیگر متعلقہ علاقوں میں پولیس اور سی آر پی ایف اہلکار تعینات کئے گئے ہیں۔

پولیس نے داخلی و خارجی راستوں کو سیل کیا ہے اور کسی بھی شخص کو ان علاقوں میں جانے یا نکلنے کی اجازت نہیں دی جارہی ہے۔ یاد رہے کہ آٹھ محرم کو لاچوک اور ڈلگیٹ سے محرم جلوس نکالے گئے تھے جن کو روکنے کے لئے پولیس نے آنسو گیس کے گولے داغے تھے جس میں کئی افراد زخمی ہوئی تھے۔ ایک مقامی پولس افسر، ایس ڈی پی او کوٹھی باغ بھی اس دوران زخمی ہوئے تھے۔ پولیس نے اس دوران کئی صحافیوں کی بھی پٹائی کی۔

تاہم انتظامیہ نے اس صورتحال کا جائزہ لے کے سرینگر اور دیگر علاقوں میں سخت بندشیں نافذ کرنے کا اعلان کیا ہے تاکہ آٹھ محرم کی صورتحال دوبارہ پیدا نہ ہو۔