ممبئی: ریزرو بینک آف انڈیا نے قرض اور ڈپازٹس پر سود کی شرح سے متعلق رہنما ہدایات کی تعمیل نہ کرنے کے لیے کینرا بینک پر 2.92 کروڑ روپے کا جرمانہ عائد کیا ہے۔ آر بی آئی کی ریلیز میں کہا گیا ہے کہ 9 مئی 2023 کے اپنے حکم کے ذریعے ریزرو بینک آف انڈیا (ڈپازٹس پر سود کی شرح) کی ہدایات، 2016، ریزرو بینک آف انڈیا (ڈپازٹس پر سود کی شرح) کی ہدایات، 2016، 'کسٹمر پروٹیکشن - غیر مجاز الیکٹرانک بینکنگ ٹرانزیکشنز میں صارفین کی محدود ذمہ داری'، 'بینکوں میں کسٹمر سروس' اور 'اپنے صارفین کو پہچانیں' سے متعلق کی ہدایات کی عدم تعمیل کے لیے کینرا بینک پر یہ کارروائی کی گئی ہے۔ آر بی آئی نے کہا کہ پبلک سیکٹر کے اس بینک کے خلاف اس کارروائی کو بینک کی جانب سے صارفین کے ساتھ کسی بھی لین دین یا معاہدے کی درستگی پر تبصرہ نہیں سمجھا جانا چاہیے۔
واضح رہے کہ مارچ 2023 میں ریزرو بینک آف انڈیا نے ہاؤسنگ ڈیولپمنٹ فائنانس کارپوریشن لمیٹڈ (ایچ ڈی ایف سی) پر نیشنل ہاؤسنگ بینک کی بعض دفعات کی خلاف ورزی پر پانچ لاکھ روپے کا جرمانہ عائد کیا تھا۔ آر بی آئی نے یہ اطلاع دی تھی۔ معلومات دیتے ہوئے آر بی آئی نے کہا کہ 31 مارچ 2022 تک کمپنی کی مالی حالت کی بنیاد پر این ایچ بی نے کمپنی کا قانونی معائنہ کیا تھا۔ آر بی آئی ملک کا مرکزی بینک ہے، وہ ملک میں موجود سرکاری اور غیر سرکاری بینکوں کی نگرانی کرتا ہے۔ اگر کوئی بینک بنائے گئے قواعد کی خلاف ورزی کرتا ہے تو اس کے خلاف قواعد کے مطابق کارروائی کی جاتی ہے۔
یہ بھی پڑھیں: RBI imposes Penalty on HDFC آر بی آئی نے ایچ ڈی ایف سی پر پانچ لاکھ روپے کا جرمانہ عائد کیا
یو این آئی
