Muslim Families Convert To Hinduism مظفر نگر میں ایک مسلم خاندان نے ہندو مذہب اختیار کیا

مظفر نگر میں پانچ افراد پر مشتمل ایک مسلم خاندان نے ہندو مذہب اختیار کر لیا۔ یشویر آشرم کے سوامی یشویر مہاراج کا دعوی ہے کہ وہ پہلے ہندو تھے بعد میں انہوں نے اسلام قبول کیا اور اب دوبارہ انہوں نے ہندو مذہب اختیار کر لیا ہے۔ Muslim Families Convert To Hinduism

مظفر نگر: ریاست اترپردیش کے ضلع مظفر نگر میں تبدیل مذہب کا معاملہ سامنے آیا ہے، جہاں ایک مسلم خاندان نے ہندو مذہب اختیار کر لیا ہے۔ ضلع کے باگھرا میں یوگ سادھنا یشویر آشرم میں ایک مسلم خاندان نے آٹھ سال بعد ہندو مذہب میں دوبارہ واپسی کر لی ہے۔ یہ خاندان آٹھ سال پہلے مسلمان ہوا تھا۔ اب اس خاندان کے پانچ افراد نے ہندو مذہب اختیار کر لیا ہے۔ تبدیل مذہب کرنے والے تمام افراد کا نام بھی تبدیل کردیا گیا ہے۔ ثانیہ کا نام سیما سینی رکھا گیا۔Religion change Muslim to Hindu in Muzaffarnagar

یشویر آشرم کے سوامی یشویر مہاراج نے بتایا کہ بجنور میں رہنے والے سینی خاندان نے آٹھ سال قبل مذہب تبدیل کرکے اسلام قبول کیا تھا۔ بدھ کو اس خاندان نے اپنی مرضی سے ہندو مذہب اختیار کر لیا۔ خاندان کو ہندو مذہب کے رسومات اور وید منتروں کے ساتھ پوجا کے ذریعہ ہندو مذہب میں دوبارہ داخل کرایا گیا ہے۔ آشرم میں ہون کے بعد خاندان پر گنگا جل چھڑکا گیا اور پرکرما کی گئی۔ اس کے بعد پورے خاندان نے آشرم میں موجود عقیدت مندوں پر پھول برسائے گئے۔ یشویر مہاراج کے مطابق ابھی تک وہ سکیڑوں لوگوں کو ہندو مذہب اختیار کرا چکے ہیں۔

یشویر مہاراج نے ضلع کے مدارس کو نشانہ بناتے ہوئے کہا کہ مدارس کے ذریعہ مسلم علما لوگوں کا مذہب تبدیل کرا رہے ہیں۔ انہوں نے پولیس اور انتظامیہ سے اس معاملہ میں سخت نوٹس لینا کا مطالبہ کیا۔ ہندو مذہب اختیار کرنے والے سندیپ سینی نے کہا کہ ہم دوبارہ ہندو بن گئے ہیں۔ اس سے پہلے بھی ان کا خاندان ہندو تھا، لیکن اب دوبارہ ہندو مذہب کی طرف لوٹ آیا ہے۔