آئس لینڈ کا آتش فشاں: سیاحوں کے لیے سب سے دلکش سیاحتی مقام

آئس لینڈ کے دارالحکومت ریکجیک کے قریب واقع گیلڈن آڈالور میں 19 مارچ کو آتش فشاں پھوٹ پڑا تھا۔ تاہم، آتش فشاں کے قریب واقع شہروں کو اس سے کسی طرح کا کوئی خطرہ نہیں پہنچا ہے۔ دلچسپ بات یہ ہے کہ اس مقام کو اب ایک بہترسیاحتی مقامات کے طور پر دیکھا جا رہا ہے۔

آئس لینڈ کے دارالحکومت ریکجیک کے قریب واقع گیلڈن آڈالور میں آتش فشاں پھوٹ پڑنے کے بعد یہاں سیاحوں کا تانتا بندھا ہوا ہے۔

آتش فشاں کے پھٹنے کے بعد سے یہاں کے دلفریب و منفرد نظارہ کو دیکھنے کے لیے تقریبا 5000 سیاحوں نے اب تک یہاں کا رخ کیا ہے، مزید سیاحوں کی آمد کا سلسلہ جاری ہے۔

ریسکیو ٹیم کے ساتھ ساتھ یہاں مزید حفاظتی دستے موجود ہیں جو سیاحوں کو اس مقام تک لانے میں ان کی مدد کر رہے ہیں، دلچسپ بات یہ ہے کہ آتش فشاں کے پھٹنے کے بعد سے یہ مقام سیاحوں کے لیے سب سے بہتر سیاحتی مقامات کے طور پر جانا جا رہا ہے۔

ایک ہفتہ قبل پھوٹ پڑے اس آتش فشاں سے اب تک یہاں آگ ہی آگ دیکھنے کو مل رہی ہے، اس آتش فشاں کو پھٹنے سے قبل یہاں تقریبا 50 ہزار سے زائد زلزلے آئے تھے اس کے بعد 19 مارچ کی شام اس کے پھٹنے کی شروعات ہوئی تھی جو اب تک جاری ہے۔