ایک دلکش ماحول میں روشنیوں کی شاندار جگمگاہٹ کے درمیان، راموجی گروپ کے چیئرمین راموجی راؤ کی پوتی برہتی کی شادی کی تقریب راموجی فلم سٹی حیدرآباد میں منعقد ہوئی۔ کرن چیروکوری اور سائلجا کی صاحبزادی برہاتی کی شادی دندامودی امرموہن داس اور انیتا کے صاحبزادے وینکٹ اکشے سے ہوئی۔ یہ جوڑا اتوار کے روز 12.18 بجے شادی کے بندھن میں بندھ گئے۔ فلم سٹی میں شادی کی تقریب میں خاندان اور دوستوں کے علاوہ سیاست اور تفریحی صنعت کے وی آئی پیز نے شرکت کی۔ شادی کی تقریب خصوصی طور پر تیار کیے گئے اسٹیج پر منعقد ہوئی۔ Ramoji Rao Granddaughter Marriage
جوڑے کو آشیرواد دینے والی اہم شخصیات میں ملک کے نائب صدر جمہوریہ وینکیا نائیڈو اور ان کی اہلیہ اوشا، چیف جسٹس آف انڈیا این وی رمنا، تلنگانہ کے وزیراعلی کے چندر شیکھر راؤ، مرکزی وزیر سیاحت جی کشن ریڈی، تلنگانہ کے وزراء ہریش راؤ، محمود علی، اندراکرن ریڈی اور دیگر شامل ہوئے۔ اس شادی تقریب میں شرکت کرنے والے بہت سے قابل ذکر ناموں میں مشہور ٹالی ووڈ ڈائریکٹر ایس ایس راجامولی، ٹالی ووڈ میگا اسٹار چرنجیوی، تامل سپر اسٹار رجنی کانت اور بیڈمنٹن اسٹار پی وی سندھو شامل ہوئیں۔ اس موقع پر ٹی ڈی پی کے قومی صدر نارا چندرابابو نائیڈو، ان کے بیٹے لوکیش، جنا سینا کے صدر اور فلم اداکار پون کلیان بھی موجود رہے۔
