حضرت خواجہ شبیر احمد کی درگاہ کی جانب سے رمضان کٹس تقسیم
احمدآباد: ماہ رمضان میں غریب و پسماندہ افراد کی ضروریات کو مدنظر رکھتے ہوئے احمدآباد کے بیرل مارکٹ علاقے میں موجود آستانہ پاک خواجہ شبیر درگاہ کی جانب سے رمضان المبارک کے دوران شاہ عالم و بہرام پورا میں غریبوں کے درمیان رمضان کٹس تقسیم کئے گئے۔ آستانہ پاک خواجہ شبیر درگاہ احمد آباد کے دانیلمڈا بیرل مارکیٹ میں واقع ہے۔
اس درگاہ سے رمضان کے مقدس مہینے میں کچی آبادی میں رہنے والے غریبوں میں راشن کٹس تقسیم کی جاتی ہے۔ اس تعلق سے دانیلیمڈا بیرل مارکیٹ میں واقع حضرت خواجہ شبیر احمد کی درگاہ کے خادم یاسین بھائی میمن شبیری نے کہا کہ آج ہمارے آستانے سے راشن کٹس تقسیم کیا گیا تاکہ احمد آباد کے کچی آبادی کے غریب متوسط طبقے کے لوگ بھی ماہ رمضان کی خوشیاں منا سکیں۔
