'آزادی کا امرت مہوتسو' پورے ملک میں آزادی کے 75 سال مکمل ہونے پر منایا جائے گا۔ انہوں نے بتایاکہ 'تاریخ بنتے دیکھنا ایک اعزاز کی بات ہے۔ تاریخ کا حصہ بننا اس سے بھی بڑا اعزاز ہے۔ لیکن یہ بڑی خوش قسمتی کی بات ہے کہ ہم نہ صرف آزادی کی 'امرت مہوتسو' کی تاریخ بنتے ہوئے دیکھ رہے ہیں بلکہ اس کا حصہ بھی بن رہے ہیں'۔
انہوں نے بتایا کہ 'ہم بھارت کو طاقتور بنانا چاہتے ہیں۔ ایک بھارت جو دوسرے پر حملہ نہیں کرنا چاہتا لیکن ہر چیلنج کا مناسب جواب دینے کی پوری صلاحیت رکھتا ہے۔ آنے والے وقتوں میں ہم ایک مضبوط بھارت کی تعمیر کریں گے'۔
وزیر دفاع نے کہا کہ 'ملک کے مختلف حصوں میں شروع کیے جانے والے ان پروگراموں کو دیکھ کر ایسا لگتا ہے کہ نہ صرف اہل وطن بلکہ پانی، زمین، پہاڑ اور سطح مرتفع بھی ہم وطنوں کے ساتھ'آزادی کا امرت مہوتسو' منا رہے ہیں'۔
مزید پڑھیں: ہم ان حملوں سے ڈرنے والے نہیں: الطاف ٹھاکر
انہوں نے بتایاکہ 'امرت مہوتسو' کی روح جو ہم آج منا رہے ہیں یا میں یہ کہوں کہ آزادی خودمختاری اور امرت کی روح بھارت کے لیے کوئی نیا یا جدید جذبہ نہیں ہے۔ میں کیپٹن وکرم بترا کا ذکر کرنا چاہوں گا جو موت کو سامنے دیکھ کر بھی کہتے ہیں کہ 'یہ دل مانگے مور'۔ یہ کیسا احساس ہے؟ میں اپنی طرف سے ان لافانی بیٹوں کو سلام پیش کرتا ہوں جنہوں نے اپنی قوم کے لیے سب کچھ قربان کردیا'۔
یو این آئی
