راجستھان ضمنی انتخابات : کانگریس کو دو اور بی جے پی کو ایک سیٹ

راجستھان کے تین اسمبلی حلقوں سجانگڑھ (چورو)، سہاڑا (بھیلواڑا) ، راجسمند پر 17 اپریل کو ہوئے ضمنی انتخابات کے نتائج آج جاری ہو چکے ہیں۔ ان تینوں اسمبلی حلقوں میں دو پر کانگریس پارٹی نے فتح حاصل کی ہے اور ایک نشست پر بھارتی جنتا پارٹی نے جیت حاصل کی۔

راجستھان کے چورو ضلع کی سجانگڑھ اسمبلی حلقے پر کانگریس پارٹی کے منوج میگھوال نے بھارتی جنتا پارٹی کے امیدوار کو شکست دی، یہاں پر راشٹریہ لوک تانتریک پارٹی کے امیدوار کھیم رام تیسرے نمبر پر رہے۔

راجستھان ضمنی انتخابات

وہیں سہاڑا (بھیلواڑا) میں کانگریس پارٹی کی امیدوار گائتری دیوی نے بی جے پی کے رتن لال جاٹ کو شکست دی جبکہ راجسمند میں بھارتی جنتا پارٹی کی امیدوار دیپتی ماہیشوری نے 5165 ووٹوں سے فتح حاصل کرتے ہوئے کانگریس پارٹی کے میدوار تنسکھ بوہرا کو شکست دی ہے۔

ان انتخابات دو اسمبلی نشستوں پر کانگریس پارٹی کی فتح حاصل ہوئی جس پر ریاست کے وزیر اعلیٰ اشوک گہلوت نے فاتح امیدواروں کو ٹویٹ کرکے مبارکباد پیش کی۔

وہیں بی جے پی کے ریاستی صدر شتیش پونیا کی جابب سے دپتی ماہشوری کو مبارکباد پیش کی گئی ہے۔ ریاست میں کورونا وائرس گائیڈ لائنس کے تحت ہر طرح کے جلوس و جشن پر حکومت کی جانب سے پابندی بھی عائد کی گئی ہے۔