راہل گاندھی کے جموں دورہ کی تصدیق کرتے ہوئے جموں و کشمیر پردیش کمیٹی کے ترجمان رویندر شرما نے کہا کہ 'راہل گاندھی کا دو روزہ دورہ جموں 9 ستمبر کو شروع ہوگا'۔ انہوں نے مزید کہا کہ 'اس سے قبل وہ 9 اگست کو جموں و کشمیر آئے تھے، جہاں پر انہوں نے سرینگر میں کانگریس دفتر کا افتتاح کیا تھا'۔
ترجمان نے کہا کہ راہل گاندھی 9 ستمبر کو جموں پہنچیں گے۔ پھر وہ کٹرا میں واقع ماتا ویشنو دیوی کے درشن کریں گے، آرٹیکل 370 کی منسوخی کے بعد راہل گاندھی کا جموں و کشمیر کا یہ دوسرا دورہ ہوگا۔
مزید پڑھیں: اجیت ڈوبھال کی روسی ہم منصب سے ملاقات
اس سے قبل انہوں نے 9 اگست کو مرکز کے زیر انتظام علاقے کا دورہ کیا تھا، اپنے پہلے دورے کے دوران راہل گاندھی نے سری نگر میں نئے پارٹی دفتر کا افتتاح بھی کیا تھا اور وسطی کشمیر کے ضلع گاندربل کے کھیر بھوانی مندر اور معروف درگاہ حضرت بل سرینگر پر حاضری دی تھی۔
