Bharat Jodo Yatra کرناٹک حکومت سب سے بدعنوان، راہل گاندھی

راہل گاندھی نے یاترا کے 26ویں دن ایک جلسہ عام سے خطاب کرتے ہوئے کہا کہ کرناٹک میں بھارت کی شاید سب سے بدعنوان حکومت ہے۔ یہ ہر چیز میں 40 فیصد کمیشن لیتی ہے۔ کسانوں سے، مزدوروں سے، چھوٹے تاجروں، چھوٹا کاروبار کرنے والوں سے 40 فیصد کمیشن لینے والی حکومت ہے۔ Rahul Gandhi slams BJP Calls Karnataka Govt Most Corrupt

پانڈو پورہ: بھارت جوڑو یاترا پر نکلے کانگریس کے سینئر لیڈر راہل گاندھی نے پیر کو الزام لگایا کہ کرناٹک کی بھارتیہ جنتا پارٹی حکومت ملک کی سب سے بدعنوان حکومت ہے۔ گاندھی نے یہاں یاترا کے 26ویں دن ایک جلسہ عام سے خطاب کرتے ہوئے کہا کہ کرناٹک میں بھارت کی شاید سب سے بدعنوان حکومت ہے۔ یہ ہر چیز میں 40 فیصد کمیشن لیتی ہے۔ کسانوں سے، مزدوروں سے، چھوٹے تاجروں، چھوٹا کاروبار کرنے والوں سے 40 فیصد کمیشن لینے والی حکومت ہے۔

انہوں نے کہا کہ کرناٹک کے ٹھیکیداروں نے وزیر اعظم کو خط لکھا اور کہا کہ کرناٹک میں 40 فیصد کمیشن کا راج چل رہا ہے، وزیر اعظم نے کوئی کارروائی نہیں کی۔ گاندھی نے کہا کہ ہندوستان میں نفرت اور تشدد پھیلایا جا رہا ہے۔ یہ یاترا اس کے خلاف ہے۔ یہ یاترا بے روزگاری اور مہنگائی کے خلاف ہے۔

یو این آئی