کانگریس کے رہنما راہل گاندھی نے بدھ کو ایک ٹویٹ کیا جس میں انہوں نے کہا کہ 'دنیا کے بیشتر آمروں کے نام ایم لیٹر سے کیوں شروع ہوتے ہیں؟ راہل نے ایک روز قبل ہی ایک ٹویٹ کے ذریعے حکومت پر الزام لگایا تھا کہ وہ کسانوں کو خاموش کرنے اور انہیں کچلنے کی کوشش کر رہی ہے۔'
بدھ کے روز اپنے ٹویٹ میں راہل نے تاریخ میں بہت سے ڈکٹیٹرز کے نام لکھے ہیں۔
اس سے قبل ایک ٹویٹ میں راہل گاندھی نے مرکز پر الزام عائد کرتے ہوئے کہا تھا کہ 'مودی سرکار کا حکمرانی کرنے کا ایک الگ انداز ہے، 'چپ کراؤ اور کچل دو' راہل گاندھی نے اپنا یہ رد عمل ٹویٹر کے ذریعے کسانوں تنظیموں کے اکاؤنٹس معطل کیے جانے والی خبر پر ظاہر کیا تھا۔
راہل گاندھی نے دہلی کی سرحدوں پر احتجاج کر رہے کسانوں کے مظاہرے والے مقام کے ارد گرد خاردار تار اور رکاوٹیں کھڑی کرنے کی تصاویر شیئر کرتے ہوئے حکومت کو مشورہ دیا تھا کہ وہ 'دیواریں نہیں بلکہ پل تعمیر کریں'۔
