Punjab Polls Preparation Completed: پنجاب میں آزادانہ اور غیرجانبدارانہ انتخابات کی تیاریاں مکمل: ڈاکٹر راجو

چیف الیکشن افسر ڈاکٹر رایس کرشنا راجو نے آج نامہ نگاروں سے کہاکہ' ریاست میں پورا نظام آزادانہ، پُرامن اور غیرجانبدارانہ پولنگ یقینی بنانے کے لیے دن رات کام کررہا ہے۔

پنجاب اسمبلی انتخابات کے لیے اتوار کی صبح آٹھ بجے سے سخت حفاظتی انتظامات کے درمیان پولنگ ہونی ہے جس کی تمام تیاریاں مکمل کرلی گئی ہیں۔ Punjab Election Officer says Prepration Completed

چیف الیکشن افسر کے دفتر کی طرف سے انتخابات کے لیے پختہ بندوبست کیے جارہے ہیں، جس سے پنجاب میں آزادانہ، غیرجانبدارانہ اور پرامن طریقہ سے پولنگ مکمل کرائی جاسکے۔

چیف الیکشن افسر ڈاکٹر رایس کرشنا راجو نے آج نامہ نگاروں سے کہاکہ' ریاست میں پورا نظام آزادنہ، پرامن اور غیرجانبدارانہ پولنگ یقینی بنانے کے لیے دن رات کام کررہا ہے۔ ریاست میں کل ملاکر 21499804رائے دہندگان ہیں جن میں سے 11298081مرد، 10200996خواتین اور 727 تیسری جنس ہیں۔ اسمبلی کے کل 117سیٹوں کے لیے 1304امیدوار میدان میں ہیں جن میں 1209مرد، 93خواتین اور دو خواجہ سرا شامل ہیں۔

انہوں نے بتایا کہ مجموعی طور پر 1304 امیدواروں میں سے 231قومی پارٹیوں، 250علاقائی پارٹیوں، 362غیر تسلیم شدہ پارٹیوں سے متعلق اور 461آزاد امیدوار ہیں۔ الیکشن لڑرہے ہیں 315امیدوار مجرمانہ پس منظر رکھتے ہیں۔

پولنگ مراکز والے 14684 مقامات پر 24689 پولنگ اسٹیشن اور 51 آگزلری پولنگ اسٹیشن قائم کیے گئے ہیں جن میں سے 2013کی شناخت سنگین، 2952حساس پولنگ مراکز کے طورپر کی گئی ہے۔

ڈاکٹر راجو نے بتایا کہ 1196 ماڈل پولنگ اسٹیشن، 196خواتین آپریٹنگ پولنگ اسٹیشن اور 70معذور افراد کے ذریعہ آپریٹ کرنے والے پولنگ اسٹیشن ہوں گے۔ انہوں نے بتایا کہ تمام پولنگ مراکز کی ویب کاسٹنگ کی جارہی ہے۔ اس الیکشن میں 28328بیلٹ یونٹ اور 24740ای وی ایم۔ وی وی پیٹ کا استعمال کیا جارہا ہے۔ کل ملاکر چھ سیٹوں پر 52کھرڑ، 59ساہنیوال، 61لدھیانہ جنوبی، 67پایل، 110پٹیالہ دیہی اور 115پٹیالہ میں دو دو بیلٹ یونٹ ہیں۔

ڈاکٹر راجونے بتایا کہ تین خصوصی اسٹیٹ مبصرین کے علاوہ ہندستانی الیکشن کمیشن نے 65جنرل سپروائزر، پچاس اخراجات کے مبصر اور 29پولیس مبصر مقرر کئے گئے ہیں، جو انتخابا ت پر سخت نگاہ رکھ رہے ہیں۔ پولنگ پوارٹیوں کی مدد کے لئے 2083علاقائی افسران تعینات کئے گئے ہیں۔

ڈاکٹر نے ووٹ ڈالنے کے لئے آنے والے رائے دہندگان سے ماسک پہننے اور سماجی دور قائم رکھنے سمیت کووڈ۔19پروٹوکول پر عمل کرنے کی بھی اپیل کی ہے۔

یو این آئی