نئی دہلی: دہلی میونسپل کارپوریشن کے انتخابات کی تاریخ جوں جوں قریب آتی جارہی ہے، امیدواروں نے اپنی مہم تیز کردی ہے لیکن ووٹرز کی خاموشی سے ان کی بے چینی بڑھتی جا رہی ہے۔ اسی کے پیش نظر ای ٹی وی بھارت نے وارڈ نمبر 188 ابوالفضل شاہین باغ میں ووٹروں کی رائے جاننے کی کوشش کی۔ Public Opinion on Delhi MCD Election 2022
دہلی میونسپل کارپوریشن کے انتخابات پر مقامی پراپرٹی ڈیلر حافظ مظہر نے بتایا کہ اس مرتبہ کانگریس کی ہوا چل رہی ہے۔ اس لئے کانگریس کے امیدوار کی جیت ہوسکتی ہے۔ وہیں کباڑی کے دکاندار دلشاد نے بتایا کہ وہ کانگریس کے کام کاج کو پسند کرتے ہیں۔ مقامی پردہ نشین خاتون نے کہا کہ کیجریوال حکومت نے بجلی فری دے رکھی ہے اس لئے وہ جھاڑو کے امیدوار کو پسند کرتی ہیں۔
وہیں مقامی شخص اقبال نے بتایا کہ ابھی ووٹنگ میں کافی دن ہے، اس لئے ابھی فیصلہ نہیں کیا ہے۔ ماحول کو دیکھ کر فیصلہ کریں گے۔ اسی طرح محمد شعیب، صغیر احمد، محمد صلاح الدین، دلشاد، دانش، ذاکر اور شکیل نے اپنے الگ الگ تاثرات کا اظہار کیا۔
