وزیر اعظم نریندر مودی نے بدھ کو دوردرشن کی جانب سے پیش کئے جانے والا سیریل ’’سوراج: بھارت کے سوتنترا سنگرام کی سمگرا گاتھا‘‘ کا خصوصی شو دیکھا۔ یہ اطلاع وزیر اعظم آفس کے ذرائع نے دی۔
بھارت میں پرتگالیوں کی استعماری پالیسیوں کے خلاف جدوجہد سے لے کر آزادی کے حصول تک کے عرصے سے دانستہ اور غیر دانستہ طور پر مجاہدین آزادی پر توجہ مرکوز کرنے والے اس سیریل کی ایک خصوصی اسکریننگ کا اہتمام پارلیمنٹ کی لائبریری بلڈنگ کے بالیوگی آڈیٹوریم میں کیا گیا تھا۔ خصوصی شو میں وزیر اعظم، لوک سبھا کے اسپیکر اوم برلا، وزیر داخلہ امت شاہ اور کئی دیگر وزراء اور بھارتیہ جنتا پارٹی کے قومی صدر جے پی نڈا سمیت کئی معززین نے شرکت کی۔
PM Modi to attend special screening of Doordarshan serial
ذرائع نے بتایا کہ شو میں 75 اقساط پر مشتمل سیریل کی دو اقساط پیش کی جانی تھیں، جو شیوپا نائک اور رانی ابکا کی جدوجہد کی کہانی پر مرکوز ہیں۔
دوردرشن نے اس سیریل کو گزشتہ 14 اگست سے نشر کرنا شروع کر دیا ہے۔ یہ ڈی ڈی نیشنل پر رات 9 بجے سے رات 10 بجے تک ٹیلی کاسٹ کیا جا رہا ہے۔ اسے انگریزی کے ساتھ نو علاقائی زبانوں - تامل، تیلگو، کنڑ، ملیالم، مراٹھی، گجراتی، اڑیہ، بنگالی اور آسامی میں پیش کیا جا رہا ہے۔
یو این آئی
