وزیراعظم نریندر مودی نے مولانا وحید الدین خاں کے انتقال پر رنج کا اظہار کیا ہے۔ وزیر اعظم نے جمعرات کو ٹوئٹ کرکے کہا ’’مولانا وحید الدین خان کے انتقال کی خبر سن کر دکھی ہوں'۔
انہوں نے کہا ‘عالم دین اور روحانی امور پر گرفت رکھنے کے لیے انہیں ہمیشہ یاد رکھا جائے گا۔ برادری کی خدمت اور انہیں سماجی طور پر بااختیار بنانے کے لیے ان میں جنون تھا۔ ان کے کنبے کے لوگوں اور اقلیتی خیر خواہوں سے میری تعزیت۔ خدا ان کی روح کو سکون دے’۔
عالمی شہرت یافتہ عالم دین، سینکڑوں کتابوں کے مصنف اور الرسالہ کے مدیر مولانا وحید الدین خان دہلی میں انتقال کر گئے۔ ان کی عمر 96 برس تھی۔
یہ بھی پڑھیے
مولانا وحید الدین خاںؒ: کچھ یادیں کچھ باتیں
مولانا مرحومؒ نے اپنی پوری زندگی اسلام کی ترویج و اشاعت، تبلیغ و تفہیم اور اس کی وضاحت میں صرف کردی۔ وہ پائے کے عالمِ دین، مفکر، ادیب، انشا پرداز تھے اور مختلف زبانوں پر عبور رکھتے تھے۔ ان کی موت نے مسلمانوں کو سب سے بڑے محسن سے محروم کر دیا ہے۔
