صدرکووند نے اتراکھنڈ، پنجاب اور تمل ناڈو کےلیے گورنرز مقررکیے

صدر نے تمل ناڈو کے گورنر بنواری لال پروہت کو پنجاب کا باقاعدہ گورنر مقرر کیا ہے۔ اب تک پروہت پنجاب کے گورنر کا چارج سنبھال رہے تھے۔ ناگالینڈ کے گورنر آر این روی کا تبادلہ تمل ناڈو کیا گیا ہے جو پروہت کی جگہ لیں گے۔آسام کے گورنر پروفیسر جگدیش مکھی ناگالینڈ کے گورنر کا اضافی چارج بھی سنبھالیں گے۔

صدر رام ناتھ کووند نے جمعرات کو اتراکھنڈ کے گورنر بیبی رانی موریہ کا استعفیٰ تسلیم کرتے ہوئے لیفٹیننٹ جنرل (ریٹائرڈ) گرمیت سنگھ کو ریاست کا گورنر مقرر کیا۔

راشٹرپتی بھون سے دیر رات گئے جاری ریلیز کے مطابق صدر کووند نے موریہ کا استعفیٰ قبول کرلیا ہے اور ان کی جگہ جنرل گرمیت سنگھ کو یہ ذمہ داری سونپی گئی ہے۔