ریاست اترپردیش کے ضلع میرٹھ کے سوتی گنج بازار کے کباڑیوں کے خلاف پولیس سخت کارروائی کی۔ پرانی گاڑیوں اور ان کے اجزاء کو غیر قانونی طریقہ سے فروخت کرنے کے الزام میں جیل میں قید ثاقب کی تین رہائش گاہ اور نو گاڑیوں کو ضبط کر لیا۔ اس دوران ثاقب کے اہل خانہ نے پولیس پر ناراضگی کا اظہار کیا۔ Police Took Action Against Kabaddi Saqib
میرٹھ کے سوتی گنج میں چوری کی گاڑیوں اور کروڑوں روپے کے غیرقانونی کاروبار کے خلاف پولس انتظامیہ کی مہم بدستور جاری ہے۔ ضلع میں گاڑیوں کی اسمگلنگ کے لیے بدنام سوتی گنج میں آج پولیس نے سوتی گنج کے کباڑی و گینگسٹر ثاقب کی تقریبا تین کروڑ کی جائیداد کو ضبط کر لیا۔
مزید پڑھیں:۔ پریاگ راج: عتیق احمد کی سات املاک سیل
اس دوران پولیس کو ثاقب کے اہل خانہ کی طرف سے کارروائی کی مخالفت کا سامنا بھی کرنا پڑا۔ ایس پی برہم پوری وویک یادو اور ایس پی کینٹ سورج رائے کی قیادت میں پولس فورس سوتی گنج پہنچی جہاں پولیس نے ثاقب کی چھ رہائش گاہیں اور نو گاڑیاں قبضے میں لے لیں۔
