اترپردیش کے گریٹر نوئیڈا کے بیٹا-2 پولیس اسٹیشن نے نائٹ کرفیو کے دوران دو ہوٹلوں پر چھاپہ مار کر جسم فروشی کے کاروبار کا پردہ فاش کیا ہے۔ سگما سیکٹر میں اویو ہوٹل کے تہہ خانے میں ایک کمپنی کے زیر اہتمام پینٹس کے تاجروں کی نئے سال کی پارٹی میں نیم عریاں حالت میں فحش مجرا اور رقص جاری تھا۔
پولیس نے موقع سے ہوٹل آپریٹر انوج، دو لڑکیوں اور دو نوجوانوں کو حراست میں لے لیا۔ پوچھ گچھ کے دوران پتہ چلا کہ لڑکیوں کو سگما ون سیکٹر میں واقع پرل نیسٹ اویو ہوٹل سے لایا گیا تھا۔ وہاں ان کے دیگر ساتھیوں کو بھی بڑی تقریب کے لیے بلایا گیا ہے۔
پولس سگما ون سیکٹر پہنچی اور چھان بین کی تو پتہ چلا کہ یہاں پرل نیسٹ بیسمنٹ میں شراب پیش کی جا رہی ہے اور فحش مجرا ہو رہا ہے۔ پولیس نے یہاں سے ہوٹل آپریٹر سمیت 28 مردوں اور تین لڑکیوں کو حراست میں لیا اور موقع سے شراب اور قابل اعتراض مواد وغیرہ برآمد کیا۔ پولیس نے تمام ملزمان کے خلاف مقدمہ درج کرکے کارروائی شروع کردی۔
سگما سیکٹر کے ہوٹل میں تفتیش کے لیے سب سے پہلے پولیس نے دو سادہ لباس پولیس اہلکاروں کو بھیجا۔ دونوں پولیس اہلکار تماشائی بن کر بیٹھ گئے۔ اس دوران لڑکیوں کو شراب پارٹی کے ساتھ نیم برہنہ حالت میں مجرا ڈانس کرتے دیکھا گیا۔ اسی دوران موقع پر موجود لوگ ان پر نوٹ پھینک رہے تھے۔ اس دوران پولیس اہلکاروں نے ویڈیو بنا کر افسران کو بھیج دی۔جس کے بعد چھاپہ مار کر ملزمان کو حراست میں لے لیا گیا۔ گرفتار افراد میں سے کئی پینٹس کی دکان چلاتے ہیں۔ اسے ایک کمپنی نے نئے سال کی پارٹی دی تھی۔
