وزیر اعظم نریندر مودی نے آندھرا پردیش کے کرنول اور مہاراشٹر کے جلگاؤں میں پیش آنے والے ٹرک حادثے کے متاثرین کے لئے امدادی رقم کی منظوری دے دی ہے۔
وزیر اعظم کے دفتر نے ٹویٹ کیا کہ 'آندھرا پردیش کے کرنول میں ایک اندوہناک سڑک حادثے میں ہلاک ہونے والے ہر فرد کے لواحقین کو وزیر اعظم کے قومی ریلیف فنڈ سے 2 لاکھ روپے کی امدادی رقم دی جائے گی جبکہ شدید زخمیوں کو 50000 دیے جائیں گے۔'
ایک دیگر ٹویٹ میں کہا گیا ہے کہ 'وزیر اعظم نے مہاراشٹر کے جلگاؤں میں پیش آنے والے ایک المناک حادثے میں ہلاک ہونے والے افراد کے لواحقین کے لئے وزیر اعظم کے قومی راحت فنڈ سے دو لاکھ روپے کی امدادی رقم کی منظوری دی ہے جبکہ شدید زخمیوں کو 50 ہزار روپے دئے جائیں گے۔'
