نئی دہلی: وزیر اعظم نریندر مودی 9 سے 11 اکتوبر تک اپنی آبائی ریاست گجرات کا دورہ کریں گے اور آخری دن اجین (مدھیہ پردیش) میں 'شری مہاکال لوک' کو عوام کے نام وقف کرنے کے بعد ایک جلسہ عام سے خطاب کریں گے۔PM Modi to visit Gujarat
اپنے دورہ گجرات کے پہلے مرحلے میں مودی مہسانہ اور بھروچ سمیت پانچ اضلاع میں 14,500 کروڑ روپے سے زیادہ کے مختلف پروجیکٹوں کا افتتاح اور سنگ بنیاد رکھیں گے۔
اس سال کے آخر میں ریاست میں ہونے والے اسمبلی انتخابات سے پہلے وزیر اعظم کا ریاست کا دورہ بڑھ گیا ہے۔ مودی نے پچھلے مہینے کے آخر میں سورت میں روڈ شو کیا تھا اور کچھ دوسرے پروگراموں میں بھی گئے تھے۔ مودی 11 اکتوبر کو مدھیہ پردیش کا بھی دورہ کریں گے۔
ہفتہ کو وزیر اعظم کے دفتر کی طرف سے جاری کردہ ایک ریلیز کے مطابق مودی مہسانہ کے موڈھیرا گاؤں کو ملک کا پہلا گاؤں قرار دیں گے جہاں 09 اکتوبر کو شام 5.30 بجے کے قریب بجلی کی پوری ضرورت مسلسل شمسی توانائی سے پوری کی جائے گی۔ وہ اسی دن مہسانہ ضلع میں 3900 کروڑ روپے کے کئی پروجیکٹوں کا افتتاح اور سنگ بنیاد بھی رکھیں گے۔
یہ بھی پڑھیں: PM Modi to Visits Gujarat وزیر اعظم مودی مہسانہ میں 2890 کروڑ کے ترقیاتی کاموں کا افتتاح کریں گے
یو این آئی
