نریندر مودی نے ٹویٹ کیا کہ میں نے کووڈ 19 ویکسین کی اپنی پہلی خوراک ایمس میں لے لی۔ قابل ذکر ہے کہ ہمارے ڈاکٹروں اور سائنس دانوں نے کووڈ 19 کے خلاف عالمی لڑائی کو مستحکم کرنے کے لیے فوری وقت میں زبردست کام کیا ہے۔ میں ان تمام لوگوں سے اپیل کرتا ہوں جو ویکسین لینے کے اہل ہیں۔ آئیے ، ایک ساتھ مل کر بھارت کو کووڈ سے آزاد کرتے ہیں۔
واضح رہے کہ بھارت بائیوٹیک نے 26 لوگوں پر کی جانے والی تحقیق کے مطابق کووڈ 19 ویکسین برطانیہ میں پائے جانے والے کورونا کی نئی سٹرین کے خلاف بھی موثر ہے۔ بھارت بائیوٹیک نے کورونا ویکسین کے بارے میں اہم معلومات شیئر کیں۔
بھارت بائیوٹیک کے ذریعہ تیار کردہ 'کوویکسین' سارس-کو وی -2 کے برطانیہ کی نئی سٹرین کو غیر موثر بناتا ہے۔
واضح رہے کہ بھارت کے ڈرگ کنٹرولر جنرل(ڈی سی جی آئی) کے ذریعہ 3 جنوری کو ملک میں ہنگامی استعمال کے لیے کو ویکسین کو منظوری دے دی گئی تھی، کو ویکسین کے لیے منظوری دیتے ہوئے ڈی سی جی آئی وی جی سومانی نے کہا تھا کہ بھارت بائیوٹیک نے آئی سی ایم آر اور این آئی وی(پونے) کی مدد سے کو ویکسین تیار کیا گیا ہے۔
