دہلی: راجستھان کے اجمیر میں واقع خواجہ معین الدین چشتی کی درگاہ پر 811 واں عرس مبارک کا اہتمام کیا جا رہا ہے۔ عرس مبارک کے موقع پر ملک کی مختلف سیاسی پارٹیوں کی جانب سے خواجہ معین الدین چشتی کی درگاہ پر چادر چڑھانے کا سلسلہ جاری ہے۔ اسی درمیان خواجہ معین الدین چشتی رحمتہ اللہ علیہ کے 811 ویں عرس مبارک کے موقع پر وزیراعظم نریندر مودی نے اجمیر شریف درگاہ کے لیے چادر پیش کی۔ اس موقع پر وزیر اعظم مودی کے ساتھ ساتھ مرکزی وزیر اسمرتی ایران، بی جے پی مائنارٹی مورچہ کے صدر جمال صدیقی بھی موجود تھے۔ اقلیتی امور کی مرکزی وزیر اسمرتی ایرانی نے ٹویٹ کرتے ہوئے لکھا کہ ملک کی ترقی اور سماج میں بھائی چارہ اور امن کے ساتھ آج وزیراعظم مودی نے خواجہ معین الدین چشتی کے 811 ویں عرس کے موقعے پر راجستھان میں اجمیر شریف درگاہ کے لیے وزیر اعظم جناب نریندر مودی نے چادر پیش کی۔
واضح رہے کہ اس سے قبل نیشنل لوگ جن شکتی پارٹی کے سپریم چراغ پاسوان نے خواجہ معین الدین چشتی کے 811 ویں عرس کے موقع پر اجمیر شریف درگاہ کے لیے چادر بھیجی تھی۔ اجمیر شریف عرس مبارک میں یہ چادر ان کے نمائندے صابرعلی لے کر پہنچے جہاں درگاہ کے خادم سید ظہور بابا چشتی کی معرفت خواجہ صاحب کے مزار اقدس پر یہ چادر پیش کی گئی اور ملک میں امن و امان کی دعا مانگی گئی۔ رام ولاس پاسوان کے صاحبزادے اور لوک جن شکتی پارٹی کے سربراہ چراغ پاسوان کی جانب سے اجمیر شریف میں چادر بھیج کر ملک میں خیرسگالی کا پیغام دیا گیا۔
مزید پڑھیں:۔ Khwaja Gharib Nawaz URS Sandal اجمیر شریف میں 811ویں عرس مبارک کے موقع پر رسم صندل
واضح رہے کہ خواجہ معین الدین چشتی رحمۃ اللہ علیہ کا 811واں عرس مبارک چاند نظر آنے کے بعد 23 جنوری سے شروع ہو گیا ہے۔ عرس کے اہتمام کے لیے تمام تر تیاریاں مکمل کرلی گئی ہیں۔ اس موقع پر سکیورٹی انتظامات بھی سخت کیے گئے ہیں۔ چاند نظر آنے سے ایک روز قبل خواجہ صاحب کی درگاہ میں سلانہ صندل کی رسم ادا کی گئی۔اس رسم کو درگاہ خادیم ہی ادا کرتے ہیں اور خواجہ صاحب کے مزار اقدس سے صندل کو اتار کر عقیدت مند زائرین میں تقسیم کر دیتے ہیں۔ خواجہ غریب نواز کے عرس کا صندل آج ان کے مزار اقدس سے خادموں نے اتار کر رسم ادا کی۔ یہ صندل خواجہ صاحب کے مزار پر پورا ایک سال تک پیش کیا جاتا ہے۔ سالانہ عرس سے ایک روز قبل اس صندل کو اتار کر بیمار اور ضرورت مندوں میں تقسیم کر دیا جاتا ہے۔
