جمعہ کو ایک ورچول اجلاس میں وزیر اعظم مودی نے پورے ملک میں آکسیجن کی پیداوار اور دستیابی کا جائزہ لیا۔
اجلاس میں عہدیداروں نے آکسیجن پلانٹ کی تنصیب کے کام کی پیشرفت سے آگاہ کیا۔ اس اجلاس میں بتایا گیا کہ اس وقت 1500 سے زیادہ آکسیجن پلانٹس لگائے جارہے ہیں، جنہیں وزیر اعظم کیئرز فنڈ، وزارتوں اور پبلک سیکٹر انڈر ٹیکنگس سے ملنے والے فنڈز سے قائم کیے جارہے ہیں۔
یہ پلانٹس تمام ریاستوں اور اضلاع میں لگائے جارہے ہیں اور ان کے شروع ہونے کے بعد پورے ملک میں چار لاکھ سے زیادہ آکسیجن بیڈز کو آکسیجن مہیا کرائی جاسکے گی۔
مزید پڑھیں: Cabinet Reshuffle: نئے وزراء نے قلمدان سنبھال لیا
وزیر اعظم نے عہدیداروں کو ہدایت دی کہ وہ ریاستی حکومتوں کے ساتھ مل کر کام کریں اور جلد ہی ان پلانٹس کو شروع کریں۔ عہدیداروں نے بتایا کہ وہ ریاستی حکومتوں کے ساتھ مستقل رابطے میں ہیں تاکہ آکسیجن پلانٹس کا کام جلد سے جلد مکمل کیا جاسکے۔
یواین آئی
