بنگلورو: وزیر اعظم نریندر مودی نے آج بنگلورو میں انڈیا انرجی ویک (IEW) 2023 کا افتتاح کیا۔ یہ تقریب ان چیلنجوں اور مواقع پر بات کرنے کے لیے ہے جو روایتی اور غیر روایتی توانائی کی صنعتوں، حکومتوں اور تعلیمی اداروں کے رہنماؤں کو ایک فلیٹ فارم پر لائے گا۔ جس میں دنیا بھر سے 30 سے زائد وزراء شرکت کریں گے۔ پٹرولیم اور قدرتی گیس کی وزارت (MoPNG) نے ایک بیان میں کہا کہ انڈیا انرجی ویک چھ سے آٹھ فروری تک منعقد ہونے والا ہے، جس کا مقصد توانائی کی منتقلی کے پاور ہاؤس کے طور پر بھارت کی بڑھتی ہوئی صلاحیت کو ظاہر کرنا ہے۔ اس سلسلے میں وزیر اعظم نریندر مودی نے پیر کو بنگلورو میں انڈیا انرجی ویک (IEW) 2023 کا افتتاح کیا۔
تقریب کے دوران وزیراعظم نے عالمی تیل اور گیس کے سی ای اوز کے ساتھ گول میز بات چیت میں شرکت کی۔ وہ گرین انرجی کے میدان میں کئی اقدامات بھی شروع کریں گے۔ انڈیا انرجی ویک جو کہ ایک G20 ایونٹ ہے، بنگلورو میں 6 سے 8 فروری تک منعقد ہو رہا ہے۔ اس کا مقصد بھارت کی بڑھتی ہوئی طاقت کو توانائی کی تبدیلی کی سپر پاور کے طور پر ظاہر کرنا ہے۔
مزید پڑھیں:۔ PM Modi Visit Mumbai وزیر اعظم نے ممبئی میں کئی ترقیاتی کاموں کا افتتاح کیا
بھارت کے توانائی کے مستقبل کے چیلنجز اور مواقع پر تبادلہ خیال کرنے کے لئے 30,000 سے زیادہ مندوبین، 1000 نمائش کنندگان اور 500 جمع ہوں گے۔ دریں اثنا مودی 12 ریاستوں میں آئل مارکیٹنگ کمپنیوں کے 84 ریٹیل آؤٹ لیٹس پر E20 ایندھن کا آغاز کریں گے۔ E20 پیٹرول کے ساتھ 20 فیصد ایتھنول کا مرکب ہے۔ حکومت کا مقصد 2025 تک ایتھنول کی 20 فیصد ملاوٹ حاصل کرنا ہے۔ اس عمل کو آسان بنانے کے لیے آئل مارکیٹنگ کمپنیاں ایتھنول پلانٹس لگا رہی ہیں۔ وزیر اعظم صاف ایندھن کے بارے میں بیداری پیدا کرنے کے لیے گرین موبلٹی ریلی کو بھی جھنڈی دکھائیں گے۔ وزیر اعظم نریندر مودی نے بنگلورو میں انڈیا انرجی ویک 2023 کی تقریب میں انڈین آئل کے ذریعہ تیار کردہ سولر کوکنگ سسٹم کے جڑواں کُک ٹاپ ماڈل کی نقاب کشائی کی۔
