وزیر اعظم نریندر مودی نے مہاپاترا کے انتقال پر افسوس ظاہر کیا۔ وزیر اعظم مودی نے ٹویٹ کر کے کہا 'ڈی پی آئی آئی ٹی کے سکریٹری گورو پرساد مہاپاترا کے انتقال سے دکھی ہوں۔ میں نے ان کے ساتھ گجرات اور مرکز میں کام کیا ہے۔ انہیں انتظامی امور کی گہری سمجھ تھی اور انہیں اختراعی تجربات کے لئے جانا جاتا تھا۔ ان کے اہل خانہ اور دوستوں کے تیئں میری تعزیت۔ اوم شانتی۔'
وہیں وزیر تجارت و صنعت پیوش گوئل نے انڈین سول سروس (آئی اے ایس) افسر کی موت پر افسوس ظاہر کیا۔ انہوں نے کہا کہ ڈی پی آئی آئی ٹی کے سکریٹری ڈاکٹر گوروپرساد مہاپاترا کے انتقال کے بارے میں سن کر بہت دکھ ہوا۔
مزید پڑھیں:
Milkha Singh: فلائنگ سکھ ملکھا سنگھ کا انتقال، آخری رسومات آج
گوئل نے ٹویٹ کیا کہ 'ان کی طویل خدمات اور ملک کے تیئں خودسپردگی نے انمٹ نقوش چھوڑے ہیں۔ میں ان کے اہل خانہ اور دوستوں سے گہری تعزیت کا اظہار کرتا ہوں۔ اڈیشہ میں پیدا ہونے والے آئی اے ایس افسر کو رواں سال اپریل میں ایمس میں داخل کیا گیا تھا۔ وہ گجرات کیڈر کے 1986 بیچ کے آئی اے ایس آفیسر تھے۔ وہ مشہورادیب مرحوم مہاپاترا نیلامنی ساہو کے بیٹے تھے۔'
