پوری دنیا کے صحافی، سرکاری افسران اور انسانی حقوق کے کارکنوں سے متعلق اسمارٹ فونز کی کامیاب ہیکنگ میں بھارت اسرائیلی کمپنی کے اسپائی ویئر کا استعمال کرنے والے متعدد ممالک میں شامل تھا۔ اتوار کو شائع ہونے والی 17 میڈیا تنظیموں کی تحقیقات کے مطابق، وزیر اعظم عمران خان کے ذریعہ کم از کم ایک نمبر جو ایک بار استعمال ہوا، بھارت کی فہرست میں شامل تھا۔
اسپائی ویئر- پیگاسس - استعمال کی اطلاع واشنگٹن پوسٹ، گارڈین ، لی مونڈے اور دیگر نیوز اوٹ لیٹز نے دی ہے۔ جنہوں نے ڈیٹا لیک ہونے کی تحقیقات میں تعاون کیا۔
دی پوسٹ کے مطابق ، بھارت میں ایک ہزار سے زیادہ فون نمبرز نگرانی کی فہرست میں نمودار ہوئے، جب کہ سینکڑوں افراد پاکستان کے تھے۔ اس میں وزیراعظم عمران خان کے ذریعہ استعمال ہوا ایک نمبر بھی شامل ہے۔ تاہم، پوسٹ نے یہ واضح نہیں کیا کہ آیا وزیر اعظم عمران کے نمبر کی نگرانی کی کوشش کامیاب رہی یا نہیں۔
یہ بھی پڑھیں:پاکستان میں بس اور ٹرک میں تصادم، 25 افراد ہلاک
بھارت میں 300 موبائل فون نمبرز استعمال کیے گئے تھے- جن میں حکومتی وزراء، حزب اختلاف کے سیاستدان، صحافیوں ، سائنس دانوں اور حقوق کے کارکنوں کے نام شامل ہیں۔
انکشافات پر رد عمل کا اظہار کرتے ہوئے پاکستان کے وفاقی وزیر اطلاعات و نشریات فواد چوہدری نے کہا کہ وہ ان رپورٹس سے "انتہائی تشویش میں مبتلا ہیں"۔ انہوں نے ٹویٹ کیا ، "مودی حکومت کی غیر اخلاقی پالیسیز نے خطرناک طور پر بھارت اور خطے کو پولرائز کردیا ہے۔"
بھارتی حکومت نے 2019 میں اس بات کی تردید کی تھی کہ اس نے اسرائیلی اسپائی ویئر کو استعمال کیا۔ جب کہ واٹس ایپ نے یو ایس میں ایک مقدمہ دائر کیا تھا کہ اسرائیل بھارت کو اسپائی وئیر فراہم کررہا ہے۔اس نے پیغام رسانی کے پلیٹ فارم کو سائبر جاسوسی کے لیے استعمال کرنے کا بھارت پر الزام لگایا تھا۔
