مرکزی حکومت نے مہنگائی سے دوچار صارفین کو کچھ راحت دینے اور کسانوں کو سستا ایندھن فراہم کرنے کے لیے پٹرول اور ڈیزل کی ایکسائز ڈیوٹی میں بالترتیب 5 روپے اور 10 روپے کی تخفیف کرنے کا فیصلہ ہے۔ یہ تخفیف کل سے نافذ ہوگی۔
وزارت خزانہ نے آج رات جاری ہونے والے ایک بیان میں اس بات کا اعلان کرتے ہوئے کہا کہ اس تخفیف کے مطابق ان دونوں ایندھن کی قیمتیں بھی کم ہوں گی۔ حکومت نے کہا کہ ڈیزل پر ایکسائز ڈیوٹی پٹرول کے مقابلے میں دو گنا کم کی گئی ہے تاکہ کسانوں کو ربیع کے موسم میں راحت مل سکے۔
بیان میں کہا گیا ہے کہ حالیہ مہینوں میں عالمی سطح پر تیل کی قیمتوں میں اضافہ ہوا ہے اور اسی حساب سے گھریلو پٹرول اور ڈیزل کی قیمتوں میں اضافہ ہوا ہے۔
وزارت نے کہا ہے کہ حکومت نے یہ فیصلہ پٹرول اور ڈیزل پر ایکسائز ڈیوٹی کم کرنے کے لیے کیا ہے جس کا مقصد معیشت کو تیز رفتاری فراہم کرنا ہے۔ اس کٹوتی سے ان دونوں مصنوعات کی مانگ میں اضافہ ہوگا اور افراط زر کو کم کرنے میں مدد ملے گی۔ اس سے غریب اور متوسط طبقے کو بڑی راحت ملے گی۔
اس کے ساتھ ہی مرکزی حکومت نے ریاستوں سے بھی اپیل کی ہے کہ وہ ان دونوں ایندھن پر VAT میں کمی کریں تاکہ صارفین کو زیادہ راحت مل سکے۔
- مزید پڑھیں: ای پی ایف میں 8.5 فیصد سود ادا کرنے کی ہدایات جاری
- ایس بی آئی کے مجموعی منافع میں 69 فیصد کا اضافہ
اس وقت ملک کے تمام بڑے شہروں میں پٹرول کی قیمت 110 روپے فی لیٹر سے تجاوز کر گئی ہے۔ دارالحکومت دہلی میں پٹرول 110.04 روپے فی لیٹر اور ڈیزل 98.42 روپے فی لیٹر ہے۔
یو این آئی
