Manipur Violence: مرکزی وزیرمملکت برائے امور خارجہ آر کے رنجن سنگھ کی رہائش گاہ پر پٹرول بم پھینکا گیا

منی پور میں ایک ماہ سے جاری نسلی تشدد اب عام لوگوں کے علاوہ اہم لیڈر اور وزیر بھی اس تشدد کی لپیٹ میں آ رہے ہیں۔ جمعرات کی رات دیر گئے تشدد پسندوں نے مرکزی وزیر مملکت برائے امور خارجہ آر کے رنجن سنگھ کی رہائش گاہ پر پٹرول بم پھینک کر آگ لگا دی۔

امپھال: امپھال کے کونگبا میں جمعرات کی رات دیر گئے مرکزی وزیر مملکت برائے امور خارجہ آر کے رنجن سنگھ کی رہائش گاہ کو مبینہ طور پر ہجوم نے آگ لگا دی۔ منی پور حکومت نے اس واقعہ کی تصدیق کی ہے۔ اے این آئی سے بات کرتے ہوئے وزیر سنگھ نے کہا کہ وہ اس وقت سرکاری کام کے سلسلے میں کیرالہ میں ہیں۔ شکر ہے کہ کل رات امپھال میں میرے گھر پر کوئی زخمی نہیں ہوا۔ شرپسند پٹرول بم لائے اور میرے گھر کے گراؤنڈ فلور اور پہلی منزل پر پٹرول بم پھینکے۔

• #WATCH | Manipur: A mob torched Union Minister of State for External Affairs RK Ranjan Singh's residence at Kongba in Imphal on Thursday late night. https://t.co/zItifvGwoG pic.twitter.com/LWAWiJnRwc

  — ANI (@ANI) June 16, 2023 " class="align-text-top noRightClick twitterSection" data="

  #WATCH | Manipur: A mob torched Union Minister of State for External Affairs RK Ranjan Singh's residence at Kongba in Imphal on Thursday late night. https://t.co/zItifvGwoG pic.twitter.com/LWAWiJnRwc

  — ANI (@ANI) June 16, 2023

  ">

  #WATCH | Manipur: A mob torched Union Minister of State for External Affairs RK Ranjan Singh's residence at Kongba in Imphal on Thursday late night. https://t.co/zItifvGwoG pic.twitter.com/LWAWiJnRwc

  — ANI (@ANI) June 16, 2023

انہوں نے کہا کہ مکان کو کافی نقصان پہنچا ہے۔ شمال مشرقی ریاست میں امن کی اپیل کرتے ہوئے انہوں نے کہا کہ یہ دیکھ کر بہت دکھ ہوتا ہے، کہ میری آبائی ریاست میں کیا ہو رہا ہے۔ میں اب بھی امن کی اپیل کرتا رہوں گا۔ جو لوگ اس طرح کا تشدد کرتے ہیں وہ بالکل غیر انسانی ہیں۔ اس سے قبل جمعرات کی شام منی پور کے وزیر اعلیٰ این بیرن سنگھ نے کہا کہ حکومت کئی سطحوں پر بات چیت کر رہی ہے۔ انہوں نے عوام کو یقین دلایا ہے کہ تشدد میں ملوث افراد کے خلاف کارروائی کی جائے گی۔ بدھ کو منی پور میں تشدد کے ایک تازہ واقعے میں نو افراد ہلاک ہو گئے۔ جب کہ 10 دیگر زخمی ہوئے۔ منی پور میں ایک ماہ سے زائد عرصے سے ذات پات کے تشدد کے واقعات ہو رہے ہیں۔

جمعرات کو ایک پریس کانفرنس سے خطاب کرتے ہوئے سی ایم برین سنگھ نے کہا کہ اپنے عہد کے مطابق ہم سب سے رابطہ کر رہے ہیں، ہم مختلف سطحوں پر بات چیت کر رہے ہیں۔ گورنر نے امن کمیٹی بھی تشکیل دے دی ہے۔ امن کمیٹی کے ارکان سے مشاورت شروع کر دی جائے گی۔ مجھے امید ہے کہ ریاست کے عوام کی حمایت سے ہم جلد از جلد امن حاصل کر لیں گے۔