میگھالیہ میں چیرش اسٹارفیلڈ تھانگ کھیو کی موت پر تشدد میں اضافہ ہوتا جا رہا ہے۔ احتجاجی افراد نے میگھالیہ کے وزیر اعلی کونراڈ سنگما کے گھر پر اتوار کے روز پیٹرول بم سے حملہ کیا۔
احتجاج اور مظاہرے کی وجہ سے شلانگ میں دو روز کا کرفیو لگا دیا گیا ہے۔ توڑ پھوڑ اور آتشزدگی کی خبروں کے بعد ریاست کے کئی حصوں میں موبائل انٹرنیٹ سروس بند کر دی گئی ہیں۔
یوم آزادی پروگرام میں ہوئے تشدد کے واقعات کے بعد اتوار کی شام ریاست کے وزیر داخلہ لکھن رمبوئی نے استعفی دے دیا۔ ریاستی حکومت کے حکمنامے میں کہا گیا ہے کہ کرفیو 17 اگست تک لاگو رہے گا۔ حکومت کا کہنا ہے کہ منگل کے روز صبح پانچ بجے تک کرفیو جاری رہے گا۔
یہ بھی پڑھیں:
جنتر منتر معاملہ: زہر افشانی کرنے والے بی جے پی ترجمان سمیت چھ لوگ گرفتار
شلانگ کے ایک علاقے میں 15 اگست کی دوپہر کو نامعلوم افراد نے ماؤکنروہ پولیس چوکی کی ایک پولیس گاڑی کو آگ لگا دی۔ باغی رہنما چیرش اسٹار فیلڈ تھانگ کھیو کی ان کے گھر پولیس چھاپے ماری کے دوران موت کے بعد شلانگ کے کچھ حصوں میں بے چینی رہی۔ تھانگ کھو کے اہل خانہ نے ان کی موت کو پولیس کی جانب سے قتل قرار دیا ہے۔ ان کی آخری رسومات میں سینکڑوں لوگوں نے کالے جھنڈے لیے شرکت کی۔
