نئی دہلی: تیل کی مارکیٹنگ کمپنیوں نے پٹرول اور ڈیزل کی قیمتوں میں گزشتہ 10 دنوں میں کوئی تبدیلی نہیں کی ہے، جس کی وجہ سے ہفتہ کو بھی ایندھن کی قیمتیں مستحکم رہیں۔ انڈین آئل کارپوریشن کے پرائس نوٹیفکیشن کے مطابق دہلی میں پٹرول 105.41 روپے فی لیٹر اور ڈیزل 96.67 روپے فی لیٹر فروخت ہو رہا ہے۔ ممبئی میں پٹرول کی قیمت 120.51 روپے فی لیٹر اور ڈیزل کی قیمت 104.77 روپے فی لیٹر پرمستحکم ہے۔ Petrol, Diesel Prices Kept Unchanged For Tenth Straight Day
چنئی میں پٹرول کی قیمت 110.85 روپے اور ڈیزل کی 100.94 روپے پر برقرار ہے۔ کولکاتہ میں پٹرول اور ڈیزل کی قیمت بالترتیب 115.12 روپے اور 99.83 روپے ہے۔ بین الاقوامی مارکیٹ میں خام تیل کی قیمتوں میں اتار چڑھاؤ کے درمیان لندن برینٹ کروڈ آج 111.70 ڈالر فی بیرل پراورامریکی کروڈ 2.20 فیصد کی کمی کے ساتھ 106.54 ڈالر فی بیرل پرکاروبارکررہا ہے۔ ملک میں پٹرول اور ڈیزل کی قیمتوں میں 137 دن کے استحکام کے بعد گزشتہ 22 مارچ سے اضافہ ہونا شروع ہوا ہے۔ کمپنیوں نے گزشتہ 24 دنوں میں 14 بار پٹرول اور ڈیزل کی قیمتوں میں اضافہ کیا ہے۔ تب سے اب تک ان کی قیمتوں میں تقریباً 10 روپے فی لیٹر اضافہ ہوا ہے۔
قابل ذکر ہے کہ ہفتہ لگاتار 10واں دن ہے جب قیمتوں میں کوئی تبدیلی نہیں ہوئی ہے۔ اس سے قبل یکم اپریل کو قیمتوں میں کوئی تبدیلی نہیں کی گئی تھی۔
یو این آئی
