بہار کے ضلع بیتیا کے تھانہ بلتھر میں پولیس کی مار سے ایک نوجوان کی موت ہوگئی، جس کے بعد سینکڑوں افراد مشتعل ہوگئے۔ گاؤں والوں نے تھانے پر حملہ کردیا اور توڑ پھوڑ کی، مشتعل لوگوں نے پولیس پر گولی بھی چلائی۔ پرشوتم پور پولیس اسٹیشن کے کانسٹیبل کی گولی لگنے سے موت ہوگئی۔ پورے علاقے کو پولیس چھاؤنی میں تبدیل کر دیا گیا ہے۔ بیتیا کے ایس پی اوپیندر ناتھ ورما تقریباً دو ہزار کی پولیس فورس کے ساتھ موقع پر پہنچے۔ پورے علاقے میں کشیدگی کا ماحول ہے۔ People Uproar In Bettiah After Young Man Death By Police Beating
تمام زخمیوں کا علاج بیتیا گورنمنٹ میڈیکل کالج میں کیا جا رہا ہے۔ پولیس بھی پورے گاؤں میں داخل ہوگئی ہے۔ ماحول کشیدہ ہے، ایسے میں پولیس بھی احتیاطی طور پر کارروائی کررہی ہے۔ ساتھ ہی بتایا جا رہا ہے کہ کچھ سماج دشمن عناصر بھی بھیڑ میں گھس گئے ہیں اور ماحول کو بگاڑنے کی کوشش کر رہے ہیں۔ پورا علاقہ چھاؤنی میں تبدیل ہو چکا ہے۔ ہر جگہ پولس فورس تعینات کردی گئی ہے اور پورے گاؤں میں پولیس ابھی تک موجود ہے۔
معلومات کے مطابق یہ پورا واقعہ بلتھر تھانہ علاقہ کے ارجن نگر گاؤں کا ہے۔ بتایا جا رہا ہے کہ ارجن نگر گاؤں میں ہولی پر ڈی جے بجایا جا رہا تھا۔ تب سکتہ بی ڈی او اور پولیس نے ڈی جے نہ بجانے کی بات کی اور ڈی جے بجانے والے نوجوان کو تھانے لے گئے۔
مزید پڑھیں:۔ سڑک حادثہ کے بعد مشتعل لوگوں نے کیا سڑک جام
گاؤں والوں کا الزام ہے کہ پولیس نے نوجوان کی زبردست پٹائی کی۔ جس کے بعد تھانے کے احاطے میں ہی نوجوان کی موت ہو گئی۔ جب گاؤں والوں کو اس کی اطلاع ملی تو سینکڑوں لوگوں نے تھانے کو گھیر لیا اور پولیس کی گاڑی کو آگ لگا دی۔ دیہاتیوں نے لاش کو تھانے کی جیپ پر رکھ کر احتجاج شروع کردیا اور بیتیا بلتھر کے مین روڈ کو بلاک کردیا۔
مرنے والے کی شناخت ارجن نگر گاؤں کے رہنے والے انیرودھ یادو کے طور پر کی گئی ہے۔ اسی وقت تقریباً نصف درجن تھانوں کی پولیس موقع پر پہنچ گئی۔ بیتیا ایس پی، ایس ڈی پی او نرکتیا گنج، ایس ڈی پی او بیتیا سمیت نصف درجن تھانوں کی پولیس موقع پر پہنچ گئی ہے۔ گاؤں والوں نے سڑک بلاک کر دی ہے۔
