مغربی بنگال حکومت نے کورونا وائرس کی تیسری لہر اور اومیکرون کے بڑھتے ہوئے کیسز کے مدنظر نئی گائیڈ لائن جاری کی ہے۔ اس کے تحت لوکل ٹرینوں کی خدمات پچاس فیصد کم کرنے کا فیصلہ کیا گیا ہے۔
ریاستی حکومت کے لوکل ٹرینوں کی تعداد کم کرنے کے فیصلے کے خلاف ریاست کے مختلف ریلوے اسٹیشنوں پر مسافروں نے احتجاج کرتے ہوئے ریلوے خدمات میں رخنہ ڈالنے کی کوشش کی۔ Passengers Protest Against State Govt And Railway In Bengal
ریاست کے مختلف اضلاع جیسے جنوبی 24 پرگنہ کے کیننگ، شمالی 24 پرگنہ کے ٹھاکرنگر، مشرقی مدنی پور ضلع کے تالدی، ندیا ضلع کے رانا گھاٹ اور شانتی پور سمیت مرشدآباد، مالدہ وغیرہ میں مسافروں نے ریلوے ٹریک پر کھڑے ہو کر ٹرین خدمات روک دی۔
مزید پڑھیں:۔ WB State GOVT Accept Passangers Demand: مسافروں کی ناراضگی کے سامنے مغربی بنگال حکومت کی خود سپردگی
مسافروں کا کہنا ہے کہ ریاستی حکومت کی ہدایت پر لوکل ٹرین کی خدمات پچاس فیصد سے بھی کم کر دی گئی ہے۔ اس کے باوجود روزانہ بیشتر ٹرینیں معطل کر دی جاتی ہیں، اس سے مسافروں کو بڑی دشواریوں کا سامنا کرنا پڑ رہا ہے۔
ان کا کہنا ہے کہ حکومت نے لوکل ٹرینوں کی خدمات سے متعلق جو گائیڈ لائن جاری کی ہے، اس سے مسافروں کی پریشانیاں بڑھ گئی ہیں۔ ٹرینوں کی تعداد کم کرنے کے بجائے اس میں اضافہ کرنا چاہئے۔
ریلوے پولیس (آر پی ایف) نے مظاہرین کو ریلوے ٹریک سے ہٹا کر ٹرینوں کی خدمات دوبارہ بحال کرنے کی کوشش کی لیکن وہ ناکام رہی۔
مشرقی ریلوے اور مغربی بنگال حکومت کی جانب سے اس سلسلے میں اب تک کوئی بیان سامنے نہیں آیا ہے۔
