پال گھر لنچنگ معاملہ میں سماعت دو ہفتے تک ملتوی

سپریم کورٹ نے بدھ کے روز مہاراشٹر کے ضلع پال گھر میں ہجومی تشدد میں دو سادھوؤں اور ان کے ڈرائیور کے قتل کی قومی تفتیشی ایجنسی (این آئی اے) سے تحقیقات کروائے جانے سے متعلق عرضی پر سنوائی دو ہفتے کے لیے ملتوی کر دی ہے۔

جسٹس اشوک بھوشن کی صدارت والی بینچ نے مہاراشٹر حکومت کو ہدایت دی کہ وہ اس معاملہ میں دوسرا فرد جرم داخل کرے۔ اس کے بعد سپریم کورٹ نے اس عرضی پر سماعت دو ہفتے کے لیے ملتوی کر دی ہے۔

قبل ازیں مہاراشٹر حکومت نے عدالت کے سامنے دلیل دی تھی کہ قصوروار پولیس اہلکاروں کے خلاف کارروائی کی گئی ہے۔ لہٰذا رٹ عرضیوں کو زیر التواء رکھنے کا کوئی جواز نہیں رہ جاتا۔

۔یو این آئی۔